മികച്ച പ്രതികരണവുമായി പാപ്പന്‍ തിയറ്ററുകളില്‍

ജോഷി സുരേഷ് ഗോപി കൂട്ടുകെട്ടിലെത്തിയ പാപ്പൻ തിയറ്ററിലെത്തി. വർഷങ്ങൾക്ക് ശേഷമെത്തിയ ചിത്രത്തിന് വളരെ മികച്ച പ്രതികരണമാണ്. ഒരിടവേളക്ക് ശേഷം സുരേഷ് ഗോപി പൊലീസ് വേഷത്തിൽ എത്തുന്ന ചിത്രം കൂടിയാണ് പാപ്പൻ. സി ഐ എബ്രഹാം മാത്യു മാത്തൻ എന്ന കഥാപാത്രത്തെയാണ് സുരേഷ് ഗോപി അവതരിപ്പിക്കുന്നത്. സുരേഷ് ഗോപിയുടെ മകൻ ഗോകുൽ സുരേഷും ചിത്രത്തിൽ പ്രധാന വേഷത്തിലെത്തുന്നു.

ആദ്യമായാണ് സുരേഷ് ഗോപിയും മകനും ഒരു ചിത്രത്തിൽ ഒന്നിക്കുന്നത്. ഇരുവരുടെയും കോമ്പിനേഷൻ മികച്ചതാണെന്നാണ് തിയറ്റർ പ്രതികരണങ്ങൾ. നിതാപിള്ളയാണ് ചിത്രത്തിലെ നായിക. ലേലം. പത്രം തുടങ്ങിയ സുരേഷ് ഗോപി – ജോഷി കൂട്ടുകെട്ടിലെ ചിത്രങ്ങൾ വർഷങ്ങൾക്കിപ്പുറവും ജനമനസ്സുകളിലിടം പിടിച്ചവയാണ്.

സംവിധായകൻ ജോഷിയുടെ മകൻ അഭിലാഷ് ജോഷിയും ചിത്രത്തിന്റെ പിന്നണിയിൽ സജീവമാണ്. നിർമാതാവ് ഡേവിഡ് കാച്ചിപ്പള്ളിയുടെ മകൻ അജയ് ഡേവിഡ് കാച്ചിപ്പള്ളിയാണ് കാമറ. കനിഹ ആശാശരത്ത്, സ്വാസിക, ജുവൽ മേരി, ഷമ്മി തിലകൻ, വിജയരാഘവൻ, ടിനി ടോം, രാഹുൽ മാധവ്, സജിത മഠത്തിൽ, സാവിത്രി ശ്രീധർ, നിർമൽ പാലാഴി ശ്രീകാന്ത് മുരളി തുടങ്ങിയവർ പ്രധാന വേഷങ്ങളിലെത്തുന്നു.

ആർ ജെ ഷാനിന്റേതാണ് തിരക്കഥ. ഗാനങ്ങളൊരുക്കിയത് മനുരഞ്ജിത്- ജ്യോതിഷ് കാശി, സംഗീതം ജെയ്ക് ബിജോയ്സാണ്.

Content Highlights – Pappan Movie Released On Theaters