തൃശൂര്‍ വെള്ളച്ചാട്ടത്തില്‍ കുളിക്കാനിറങ്ങിയ രണ്ടു യുവാക്കള്‍ മുങ്ങിമരിച്ചു

തൃശൂര്‍ ജില്ലയിലെ മരോട്ടിച്ചാല്‍ വെല്ലൂര്‍ വെള്ളച്ചാട്ടത്തില്‍ കുളിക്കാനിറങ്ങിയ രണ്ട് യുവാക്കള്‍ക്ക് ദാരുണാന്ത്യം. ചെങ്ങാലൂര്‍ സ്വദേശികളായ അക്ഷയ്, സാന്റോ എന്നിവരാണ് മുങ്ങി മരിച്ചത്. വ്യാഴ്ച്ച ഉച്ചയോടെയാണ് സംഭവം നടന്നത്.

വെള്ളച്ചാട്ടത്തിനടുത്തുള്ള പാറയിടുക്കിനിടയില്‍ മുങ്ങിത്താഴ്ന്നതാണ് മരണകാരണമെന്നാണ് പ്രാഥമിക നിഗമനം. നാട്ടുകാരും ഫയര്‍ഫോഴ്‌സും സംയുക്തമായി ചേര്‍ന്നാണ് ഇരുവരുടെയും മൃതദേഹം പുറത്തെടുത്തത്.

അക്ഷയും സാന്റും ഉള്‍പ്പെടെ മൂന്നു പേരാണ് രണ്ടു ബൈക്കുകളായി വെള്ളച്ചാട്ടത്തിന് അടുത്തേക്ക് എത്തിയത്. മൂന്നാമത്തെയാള്‍ ഫോട്ടോ എടുക്കുന്നതിനായി വെള്ളച്ചാട്ടത്തിന് പുറത്ത് നില്‍ക്കുകയായിരുന്നു.

Content Highlights – Two youths drowned while taking bath in Thrissur waterfall