തൃഷയുടെ രാഷ്ട്രീയ പ്രവേശനം; അഭ്യൂഹങ്ങള്‍ തള്ളി നടിയുടെ അമ്മ

ചലച്ചിത്ര താരം തൃഷ രാഷ്ട്രീയ പ്രവേശനത്തിനൊരുങ്ങുന്നു എന്ന റിപ്പോര്‍ട്ടുകളെ തള്ളി നടിയുടെ അമ്മ. നടി കോൺഗ്രസിൽ ചേരാനാണ് സാധ്യതയെന്നുമായിരുന്നു പുറത്തുവന്ന റിപ്പോര്‍ട്ടുകള്‍. തൃഷ രാഷ്ട്രീയത്തിലേക്കില്ല. അഭ്യൂഹങ്ങൾ ആണ് പുറത്തുവന്ന റിപ്പോര്‍ട്ടുകളെല്ലാം. തൃഷയ്ക്ക് രാഷ്ട്രീയത്തില്‍ ചേരാന്‍ താല്‍പര്യമില്ലെന്നായിരുന്നു മാതാവിന്റെ പ്രതികരണം.

നിലവിൽ മണിരത്നം സംവിധാനം ചെയ്യുന്ന ബ്രഹ്‌മാണ്ഡ ചിത്രമായ പൊന്നിയിൻ സെൽവനാണ് തൃഷയുടെ റിലീസിന് ഒരുങ്ങുന്ന ചിത്രം. തമിഴ്സാഹിത്യത്തിലെ എക്കാലത്തെയും മഹത്തായ കല്‍ക്കി കൃഷ്ണമൂര്‍ത്തിയുടെ ചരിത്രനോവലിന്റെ അടിസ്ഥാനത്തിലാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. തമിഴിലെ മുൻനിര താരങ്ങൾ ആണ് ചിത്രത്തിൽ അണിനിരക്കുന്നത്. ചോള രാജവംശത്തിന്റെ ചരിത്ര പശ്ചാത്തലത്തില്‍ ഒരുങ്ങുന്ന ചിത്രത്തിൽ ‘കുന്തവി’ രാജ്ഞിയെയാണ് തൃഷ അവതരിപ്പിക്കുന്നത്. ചിത്രത്തിലെ തൃഷയുടെ ലുക്ക് നേരത്തെ പുറത്തുവിട്ടിരുന്നു.

Content highlights – trisha, mother, responded to rumours