വാഴക്കുളം പൊലീസ് സ്‌റ്റേഷനിലെ എസ്.എച്ച്.ഒ. രാജേഷ് കെ. മേനോനെ തൂങ്ങി മരിച്ച നിലയിൽ കണ്ടെത്തി

ഇടുക്കി വാഴക്കുളം പൊലീസ് സ്‌റ്റേഷനിലെ എസ്.എച്ച്.ഒ. രാജേഷ് കെ. മേനോനെ ജീവനൊടുക്കിയ നിലയില്‍ കണ്ടെത്തി. വ്യാഴാഴ്ച രാവിലെ പൊലീസ് ക്വാർട്ടേഴ്സിൽ തൂങ്ങിമരിച്ച നിലയിലാണ് കണ്ടെത്തിയത്. കുടുംബ പ്രശ്നങ്ങളെ തുടർന്ന് ആത്മഹത്യ ചെയ്യുകയായിരുന്നു എന്നാണ് പ്രാഥമിക നിഗമനം.

ഓഗസ്റ്റ് എട്ടാം തിയതിയാണ് മട്ടക്കുഴി സ്വദേശിയായ രാജേഷ് വാഴക്കുളം സ്റ്റേഷനിൽ എസ്.എച്ച്.ഒ. ആയി ചുമതലയേറ്റത്. ഇദ്ദേഹത്തിന് വ്യാഴാഴ്ച കോടതി ഡ്യൂട്ടിയായിരുന്നു. എന്നാല്‍ രാവിലെ പത്തുമണിയായിട്ടും എസ്.എച്ച്.ഒ. സ്റ്റേഷനില്‍ എത്തിയിരുന്നില്ല. ഇതോടെ പൊലീസുകാർ ക്വാർട്ടേഴ്സിൽ അന്വേഷിച്ചതിനെ തുടർന്നാണ് തൂങ്ങി മരിച്ച നിലയിൽ കണ്ടെത്തിയത്.

Content highlights – policeman was found hanged, idukki