കൊച്ചി കെഎസ്ആര്‍ടിസി ഡിപ്പോയില്‍ ‘വള്ളംകളി’; വീഡിയോ വൈറല്‍

കനത്ത മഴയെ തുടര്‍ന്ന് വെള്ളം കയറി കൊച്ചി കെഎസ്ആര്‍ടിസി ഡിപ്പോയില്‍ ‘വള്ളംകളി’യുമായി ജീവനക്കാര്‍. എറണാകുളം സൗത്ത് ഡിപ്പോയില്‍ വെള്ളം കയറിയതുനെ തുടര്‍ന്ന് പ്രതിഷേധ സൂചകമായി വള്ളംകളി വീഡിയോ പുറത്തിറക്കി. ജൂവനക്കാരുടെ വീഡിയോ ഇപ്പോള്‍ സമൂഹമാധ്യമങ്ങളില്‍ വെറ്റലായി.

എറണാകുളം സൗത്ത് ഡിപ്പോയിലാണ് ഇന്നലെ ശക്തമായ പെയ്ത മഴയില്‍ മുട്ടോളം വെള്ളം കയറിയത്. ഡിപ്പോയിലെ സ്‌റ്റേഷന്‍ മാസ്റ്ററായ ബിനില്‍ ആന്റണിയും എന്‍ക്വയറി വിഭാഗത്തിലെ ഉദ്യോഗസ്ഥരായ എല്‍ദോ, സന്തോഷ് എന്നിവരാണ് വീഡിയോയില്‍ ഉള്ളത്.

മൂന്നു പേരും മുട്ടോളം വെള്ളം കയറിയ ഓഫീസ് ടേബിളിന് മുകളില്‍ കയറിയിരുന്ന് വഞ്ചി തുഴയുന്നതു പോലെ അനുകരിച്ച വീഡിയോയും കൂടെ ഷൈജു ദാമോദരന്റെ കമന്ററിയുെ ഉള്‍പ്പെടുത്തിയ വീഡിയോയാണ് വൈറലായി മാറിയത്.

ഇന്നലെ മുതല്‍ പെയ്യുന്ന ശക്തമായ മഴയില്‍ കൊച്ചിയിലെ താഴ്ന്ന പ്രദേശങ്ങള്‍ പലതും വെള്ളത്തിനടിയിലായിരുന്നു. സാഹചര്യം കണ്ണക്കിലെടുത്ത് കെഎസ്ആര്‍ടിസിയുടെ സര്‍വ്വീസുകള്‍ പൂര്‍ണ്ണമായും നിര്‍ത്തിവെച്ചു.

Content Highlights – Video of KSRTC Employess Goes Viral