മധുവിന്റെ ദൃശ്യങ്ങള്‍ കാണാന്‍ കഴിയുന്നില്ലെന്ന് സാക്ഷി; കാഴ്ച പരിശോധിക്കാന്‍ ഉത്തരവിട്ട് കോടതി

അട്ടപ്പാടി മധു വധക്കേസില്‍ കൂറുമാറിയ സാക്ഷിയുടെ കാഴ്ചശക്തി പരിശോധിക്കണമെന്ന് കോടതി. സാക്ഷിയായ സുനില്‍കുമാറിന്റെ കാഴ്ചശക്തി പരിശോധിക്കണമെന്നാണ് കോടതി ഉത്തരവിട്ടത്. കോടതി കാണിച്ച മധുവിന്റെ ദൃശ്യങ്ങള്‍ കാണാന്‍ കഴിയുന്നില്ലെന്ന് ഇയാള്‍ പറഞ്ഞതോടെയാണ് കോടതി ഈ ഉത്തരവ് പുറപ്പെടുവിച്ചത്.

ബാക്കിയുള്ളവര്‍ക്ക് ദൃശ്യങ്ങള്‍ കാണാന്‍ കഴിയുന്നുണ്ടല്ലോയെന്ന് കോടതി ചോദിച്ചു. ഇന്ന് സുനില്‍ കുമാര്‍ ഉള്‍പ്പെടെ രണ്ട് സാക്ഷികളാണ് കൂറുമാറിയത്. ഇതോടെ കേസില്‍ കൂറുമാറിയ സാക്ഷികളുടെ എണ്ണം പതിനാറായി.