കൊച്ചി മെട്രോയിലെ ഗ്രാഫിറ്റി; നാല് ഇറ്റാലിയന്‍ പൗരന്മാര്‍ അറസ്റ്റില്‍

കൊച്ചി മെട്രോയില്‍ ഗ്രാഫിറ്റി ചെയ്ത സംഭവത്തില്‍ നാല് ഇറ്റാലിയന്‍ പൗരന്മാര്‍ പിടിയില്‍. ജാന്‍കുല, സാക്ഷ, ഡാനിയില്‍, പൗലോ എന്നിവരാണ് അറസ്റ്റിലായത്. പ്രതികളെ കഴിഞ്ഞ ദിവസം ഗുജറാത്തില്‍ നിന്നാണ് ഗുജറാത്ത് ക്രൈം ബ്രാഞ്ചും ഭീകരവിരുദ്ധ സ്‌ക്വാഡും ചേര്‍ന്ന് പിടികൂടിയത്.

കൊച്ചി മെട്രോയില്‍ പ്രതികള്‍ സ്‌ളാഷ്, ബേണ്‍ എന്നെഴുതിയിരുന്നു. അതിക്രമിച്ചു കടക്കല്‍, പൊതുമുതല്‍ വികൃതമാക്കല്‍ തുടങ്ങിയവയ്ക്കാണ് പൊലീസ് കേസെടുത്തത്. പ്രതികള്‍ ഇതിനു മുന്‍പും സമാനമായ കുറ്റകൃത്യം നടത്തിയതായി അന്വേഷണ സംഘം വ്യക്തമാക്കി.

ഗുജറാത്ത് മെട്രോ സ്‌റ്റേഷന്റെ ഒന്നാംഘട്ട ഉദ്ഘാടനത്തിന് മണിക്കൂറുകള്‍ക്ക് മുന്‍പ് പ്രതികള്‍ ഗ്രാഫിറ്റി ചെയ്തിരുന്നു. സിസിടിവി ദൃശ്യങ്ങള്‍ പരിശോധിച്ചപ്പോഴാണ് നാലു പേര്‍ ചേര്‍ന്നാണ് ഗ്രാഫിറ്റി ചെയ്തതെന്ന് വ്യക്തമായി. തുടര്‍ന്ന് നടത്തിയ വിശദമായ അന്വേഷണത്തിലാണ് ഇറ്റാലിയന്‍ പൗരന്മാരായ പ്രതികളെ പിടികൂടിയത്.

Content Highlights – Four Italian citizens arrested for graffiti in Cochi Metro