കയ്പമംഗലത്ത് കുട്ടികളുമായി കിണറ്റില്‍ ചാടിയ യുവാവ് മരിച്ചു

തൃശൂര്‍ കയ്പമംഗലത്ത് രണ്ടരയും നാലരയും വയസ്സുള്ള കുട്ടികളുമായി കിണറ്റില്‍ ചാടിയ പിതാവ് മരിച്ചു. മൂന്നുപീടിക ബീച്ച് റോഡ് സ്വദേശി ശിഹാബ് (35) ആണ് മരിച്ചത്. വ്യാഴാഴ്ച പുലര്‍ച്ചെയാണ് സംഭവം. കുട്ടികളെ രക്ഷപ്പെടുത്തി.

ഭാര്യ വീട്ടില്‍ ഉറങ്ങുമ്പോഴായിരുന്നു സംഭവം. കുട്ടികളുടെ കരച്ചില്‍ കേട്ടെത്തിയ അയല്‍ക്കാരും വീട്ടുകാരും ചേര്‍ന്ന് മൂന്നു പേരെയും പുറത്തെടുത്ത് ആശുപത്രിയില്‍ എത്തിച്ചെങ്കിലും ശിഹാബിന്റെ ജീവന്‍ രക്ഷിക്കാനായില്ല. കുട്ടികളുടെ ആരോഗ്യനില തൃപ്തികരമാണെന്നാണ് വിവരം.

ടൈല്‍സ് കട ഉടമയായ ശിഹാബിന് കടയുമായി ബന്ധപ്പെട്ട് സാമ്പത്തിക ബാധ്യതകളുണ്ടായിരുന്നുവെന്ന് സൂചനയുണ്ട്.