പാര്‍ക്ക് ചെയ്തിരുന്ന സ്‌കൂട്ടറില്‍ നിന്നും മൊബൈല്‍ ഫോണ്‍ മോഷ്ടിച്ചയാള്‍ പിടിയില്‍
News Desk
Posted On January 12, 2023
വഴിയരികില്‍ പാര്‍ക്ക് ചെയ്തിരുന്ന സ്‌കൂട്ടറില്‍ നിന്നും മൊബൈല്‍ ഫോണ്‍ മോഷ്ടിച്ചയാള്‍ അറസ്റ്റില്‍. മട്ടാഞ്ചേരി പുതിയറോഡ് പനച്ചിക്കപറമ്പില്‍ വീട്ടില്‍ ഫിറോസിനെ (30) യാണ് മുനമ്പം പോലീസ് അറസ്റ്റ് ചെയ്തത്. തിങ്കളാഴ്ച പള്ളുരുത്തി പഷ്ണിത്തോട് ഭാഗത്ത് പാര്‍ക്ക് ചെയ്തിരുന്ന സ്‌കൂട്ടറില്‍ നിന്നുമാണ് ഇയാള്‍ മൊബൈല്‍ മോഷണം നടത്തിയത്.
പിന്നീട് പള്ളത്താംകുളങ്ങര പഞ്ചായത്ത് ഓഫീസിന് സമീപം വെച്ച് അക്രമാസക്തനായി കാണപ്പെട്ട ഇയാളെ അറസ്റ്റ് ചെയ്തു ചോദ്യം ചെയ്തപ്പോഴാണ് മോഷണ വിവരം വെളിവായത്. ഫോര്‍ട്ട്‌കൊച്ചി, മട്ടാഞ്ചേരി പോലീസ് സ്റ്റേഷനുകളിലായി നിരവധി കഞ്ചാവ് കേസുകളിലും അടിപിടി കേസുകളിലും പ്രതിയാണ്.
മുനമ്പം ഇന്‍സ്‌പെക്ടര്‍ എ.എല്‍ യേശുദാസിന്റെ നേതൃത്വത്തില്‍ സബ് ഇന്‍സ്‌പെക്ടര്‍ വി.കെ.ശശികുമാര്‍, എസ്.സി.പി.ഒ പി.എ.ജയദേവന്‍, സി.പി.ഒ വി.എസ്.ലെനീഷ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കി റിമാന്‍ഡ് ചെയ്തു.
Trending Now
