വള്ളംകളിക്കായി പുന്നമടക്കായല്‍ ഒരുങ്ങി; ട്രോഫി പര്യടനം ഇന്ന്

നെഹ്‌റു ട്രോഫി ജലമേളയ്ക്കായി പുന്നമടക്കായല്‍ ഒരുങ്ങിക്കഴിഞ്ഞു. വള്ളംകളിയില്‍ പങ്കെടുക്കുന്ന വള്ളങ്ങള്‍ക്കുള്ള ബോണസ് പോയിന്റ് വിതരണവും യൂണിഫോം വിതരണവും ബുധനാഴ്ച മുതല്‍ ആരംഭിച്ചിരുന്നു.

ജലമേളയുടെ ട്രോഫിയുമായുള്ള പര്യടനമാണ് വ്യാഴാഴ്ചത്തെ പ്രധാന പരിപാടി. ആലപ്പുഴയില്‍നിന്നും ചേര്‍ത്തലയിലേക്കും തിരിച്ച്‌ ആലപ്പുഴയിലേക്കുമാണ് ട്രോഫി പര്യടനം നടക്കുക. മുഹമ്മ വഴിയായിരിക്കും ചേര്‍ത്തലയില്‍നിന് ആലപ്പുഴയിലേക്കുള്ള പര്യടനം. വള്ളംകളിയുടെ പ്രചരണാര്‍ത്ഥം ബൈക്ക് റൈഡര്‍മാര്‍ സംഘടിപ്പിക്കുന്ന ബൈക്ക് സ്റ്റണ്ട് പ്രകടനവും ഇന്ന് നടക്കും. ആലപ്പുഴ റിക്രിയേഷൻ ഗ്രൗണ്ടില്‍വെച്ച്‌ വൈകുന്നേരം നാല് മണി മുതലാണ് പ്രകടനം ആരംഭിക്കുന്നത്.