പ്രഭാസ് ചിത്രം സലാറിന് കനത്ത തിരിച്ചടി, റിലീസിന് മുൻപേ രണ്ടുപേര്‍ അറസ്റ്റില്‍

പ്രഭാസ് ചിത്രം സലാറിന് റിലീസിന് മുൻപേ കനത്ത തിരിച്ചടി. സിനിമയുടെ ദൃശ്യങ്ങളുമായി രണ്ടുപേര്‍ അറസ്റ്റിലായി. രണ്ട് ടെക്കികളാണ് പിടിയിലായിരിക്കുന്നത്.

എവിടെ നിന്നാണ് അവര്‍ക്ക് സലാറിന്റെ ദൃശ്യങ്ങള്‍ ലഭിച്ചത് എന്ന് കണ്ടെത്താനുള്ള അന്വേഷണത്തിലാണ് ഇപ്പോള്‍ പൊലീസ്. ഗൗരവതരമായിട്ടാണ് പൈറസി കേസിനെ പൊലീസ് സമീപിച്ചിരിക്കുന്നത്. റിലീസിന് പിറകെ വിജയ് ചിത്രം ലിയോയുടെ പ്രിന്റും ലീക്കായിരുന്നു. മറ്റ് സമീപകാല റിലീസുകളെപ്പോലെ, സെൻസര്‍ ചെയ്യാത്ത ഉള്ളടക്കമുള്ള ലിയോയുടെ എച്ച്‌ഡി പ്രിന്റും ഡോള്‍ബി ഡിജിറ്റല്‍ 5.1 ഓഡിയോയും തിയേറ്ററില്‍ റിലീസ് ചെയ്ത് രണ്ടാഴ്ച കഴിഞ്ഞ് ഓണ്‍ലൈനില്‍ ചോര്‍ന്നിരുന്നു, ഇത് വിദേശ പ്ലാറ്റ്‌ഫോമായ Einthusan-ല്‍ പ്രത്യക്ഷപ്പെട്ടു, പെട്ടെന്ന് മറ്റ് വെബ്‌സൈറ്റുകളിലേക്കും ഇത് വ്യാപിക്കുകയായിരുന്നു.