കൊച്ചി മറൈന്‍ ഡ്രൈവില്‍ പൊലീസ് റെയ്ഡ്. മറൈന്‍ ഡ്രൈവ് കേന്ദ്രീകരിച്ച്‌ രാത്രി ലഹരിമരുന്ന് ഇടപാടുകള്‍, സ്ത്രീകള്‍ക്കെതിരായ അതിക്രമങ്ങള്‍ തുടങ്ങിയവ വ്യാപകമാണെന്ന് പരാതികളെ തുടര്‍ന്നാണ് പരിശോധന. ലഹരി കൈവശം വെച്ചതില്‍ രണ്ട് പേര്‍ക്കെതിരെ കേസെടുത്തു.
സിറ്റി പൊലീസ് കമ്മീഷണര്‍ എസ് ശ്യാം സുന്ദരിന്റെ നിര്‍ദേശപ്രകാരം ഡി സി പി കെ എസ് സുദര്‍ശന്റെ നേതൃത്വത്തില്‍ നാല് സംഘങ്ങള്‍ ആയി തിരിഞ്ഞായിരുന്നു പരിശോധന. മറൈന്‍ ഡ്രൈവിലെ 3 കിലോമീറ്ററോളം വരുന്ന ഭാഗത്താണ് ഇന്നലെ രാത്രി പൊലീസ് പരിശോധന നടത്തിയത്. ചിലരില്‍ നിന്ന് ചെറിയ അളവില്‍ ലഹരി മരുന്ന് പിടിച്ചെടുത്തിട്ടുണ്ട്. രണ്ട് പേര്‍ക്കെതിരെ കേസും എടുത്തു. നിരോധിത പുകയില ഉത്പന്നം കൈയ്യില്‍ വച്ചതിനും പൊതുസ്ഥലത്ത് മദ്യപിച്ചതിനും ഓരോ കേസ് വീതം രജിസ്റ്റര്‍ ചെയ്തിട്ടുണ്ട്.
Trending Now
കേരളത്തിന് സമീപം ചക്രവാത ചുഴി; മഴ ശക്തമാകും
October 26, 2024
