ആരെയും വേദനിപ്പിക്കണമെന്നോ അധിക്ഷേപിക്കണമെന്നോ ഉദ്ദേശിച്ചല്ല പറഞ്ഞത്; വിവാദ പരാമര്‍ശങ്ങളില്‍ വിശദീകരണവുമായി സത്യഭാമ

നർത്തകൻ ആർ എല്‍ വി രാമകൃഷ്ണനെതിരെ നടത്തിയ വിവാദ പരാമർശങ്ങളില്‍ വിശദീകരണവുമായി നൃത്താധ്യാപിക കലാമണ്ഡലം സത്യഭാമ.

ആരെയും വേദനിപ്പിക്കണമെന്നോ അധിക്ഷേപിക്കണമെന്നോ ഉള്ള ഉദ്ദേശ്യത്തോടെയല്ല അഭിമുഖത്തില്‍ പറഞ്ഞതെന്ന് സത്യഭാമ ഫേസ്ബുക്കില്‍ കുറിച്ചു.

യൂണിവേഴ്സിറ്റി കലോത്സവത്തില്‍ വിധികർത്താവായിരുന്ന ഷാജിയുടെ ആത്മഹത്യയെക്കുറിച്ചായിരുന്നു പ്രധാനമായും അഭിമുഖത്തില്‍ പറഞ്ഞത്. എന്നാല്‍, കലോത്സവത്തിലെ കള്ളക്കളികളെക്കുറിച്ചുള്ള പരാമർശം വിവാദമായില്ലെന്നും ആരും വിവാദമാക്കിയില്ലെന്നും ആ അഭിമുഖം പൂർണ്ണമായി കാണണം എന്നും സത്യഭാമ ഫേസ്ബുക് കുറിപ്പില്‍ അഭ്യർത്ഥിച്ചു. ‌