തൃശൂരില്‍ ‘ആവേശം; ഗുണ്ടാനേതാവിന്റെ ബെര്‍ത്ത് ഡേ പാര്‍ട്ടിയില്‍ പിടിയിലായവരിലേറെയും പ്ര‍ായപൂര്‍ത്തിയാകാത്തവര്‍

രംഗണ്ണൻ സ്റ്റൈലി’ല്‍ തേക്കിൻകാട് മൈതാനത്ത് ഗുണ്ടാനേതാവിന്റെ പിറന്നാള്‍ ആഘോഷം. സംഭവത്തില്‍ 32 പേർ പിടിയില്‍. ഇതില്‍ 16 പേര്‍ പ്രായപൂർത്തിയാകാത്തവരാണ്. ഇവരെ പോലീസ് താക്കീത് ചെയ്ത് രക്ഷിതാക്കള്‍ക്കൊപ്പം വിട്ടയച്ചു.

കഴിഞ്ഞ ദിവസമായിരുന്നു സംഭവം. കേക്കുമായി കാത്തിരുന്ന സംഘത്തെയും ‘കുട്ടി ഫാൻസി’നെയും നാല് ജീപ്പുകളിലായെത്തിയ പോലീസ് സംഘം വളയുകയായിരുന്നു. പാർട്ടി തുടങ്ങുന്നതിന് മുൻപേ പൊലീസെത്തിയതോടെ ഗുണ്ടാത്തലവൻ മൈതാനത്ത് എത്താതെ മുങ്ങി. ഗുണ്ടാനേതാവ് കേക്ക് മുറിക്കുന്നതിന്റെ റീല്‍ തയ്യാറാക്കി സമൂഹമാധ്യമങ്ങളിലൂടെ പ്രചരിപ്പിക്കുകയായിരുന്നു ഇവരുടെ ഉദ്ദേശ്യം.