ശക്തമായ തിരയില്‍ വള്ളം മറിഞ്ഞു; മര്യനാട് മത്സ്യത്തൊഴിലാളി മരിച്ചു

മര്യനാട് വള്ളം മറിഞ്ഞ് മത്സ്യത്തൊഴിലാളി മരിച്ചു. മര്യനാട് അർത്തിയില്‍ പുരയിടത്തില്‍ അലോഷ്യസ് (45) ആണ് മരിച്ചത്. രാവിലെ 6 മണിക്ക് അലോഷ്യസ് ഉള്‍പ്പടെ ആറ് പേരാണ് വള്ളത്തില്‍ പുറപ്പെട്ടത്.

കരയില്‍ നിന്നും അധികം ദൂരത്തിലല്ലാതെ ശക്തമായ തിരയില്‍ വള്ളം മറിയുകയായിരുന്നു. ഒപ്പമുണ്ടായിരുന്നവർ നീന്തിക്കയറി. അവശനായ അലോഷ്യസിനെ മറ്റുള്ളവർ ചേർന്ന് രക്ഷപ്പെടുത്തി മെഡിക്കല്‍ കോളേജിലെത്തിച്ചെങ്കിലും ഏഴു മണിയോടെ മരിച്ചു.

രാജു, ബിജു, ജോർജ്, അല്‍ബി, പ്ലാസ്റ്റ് തുടങ്ങിയവരാണ് വള്ളത്തിലുണ്ടായിരുന്ന മറ്റ് 5 പേർ. മര്യനാട് സ്വദേശി പ്ലാസ്റ്റിൻ്റെ വള്ളമാണ് അപകടത്തില്‍പ്പെട്ടത്. കഠിനംകുളം പോലീസ് മേല്‍ നടപടികള്‍ സ്വീകരിച്ചു.