വയനാട്ടിലെ മുണ്ടക്കൈ, ചൂരല്‍മല എന്നീ ഗ്രാമങ്ങള്‍ ഇല്ലാതായിട്ട് ഒരു മാസം; 78 പേര്‍ ഇന്നും കാണാമറയത്ത്

കഴിഞ്ഞ ഓഗസ്റ്റ് 30ന് വെളുപ്പിനെ രണ്ടിനും നാലിനും ഇടയിലുണ്ടായ ഉരുള്‍പൊട്ടലിലാണ് വയനാട്ടിലെ മുണ്ടക്കൈ, ചൂരല്‍മല എന്നീ ഗ്രാമങ്ങള്‍ ഇല്ലാതായത്. ഔദോഗീക കണക്കുകള്‍ പ്രകാരം 231 പേരുടെ ജീവനാണ് ഉരുള്‍പ്പൊട്ടലില്‍ പൊലിഞ്ഞത്. 78 പേർ ഇന്നും കാണാമറയത്ത് ആണ്.

ഉറ്റബന്ധുക്കളെയും സുഹൃത്തുക്കളെയും നഷ്ടപ്പെട്ട മൂന്ന് ഗ്രാമങ്ങളിലുള്ളവർ ദുരന്തമുണ്ടാക്കിയ വേദനകളിലാണ് ഇപ്പോഴും കഴിയുന്നത്.എട്ട് കിലോമീറ്ററോളം ദൂരത്തില്‍ പുഞ്ചിരിമട്ടം, മുണ്ടക്കൈ, ചൂരല്‍മല എന്നീ പ്രദേശങ്ങളെ ഇല്ലാതാക്കിയാണ് മലവെള്ളപാച്ചില്‍ കടന്നുപോയത്.

ഒരു പകലും രാത്രിയും തോരാതെ കറുത്ത് ഇരുണ്ട് പെയ്ത മഴയും പിന്നാലെയുണ്ടായ രണ്ട് ഉരുള്‍പൊട്ടലും നൂറ് കണക്കിന് ജീവനുകളാണ് കവർന്നത്. 62 കുടുംബങ്ങള്‍ ഒരാള്‍ പോലുമില്ലാതെ പൂർണമായും ഇല്ലാതായി.

പ്രകൃതി സുന്ദരമായ ഒരു നാട് ഒറ്റ രാത്രി ഇരുട്ടി വെളുത്തപ്പോള്‍ മരണത്തിൻറെ താഴ്‌വരയായി മാറുന്നതാണ് സംസ്ഥാനം കഴിഞ്ഞ മാസം ഇതേ ദിവസം കണ്ടത്.