യുഎന്‍ ഉദ്യോഗസ്ഥരില്‍ ഹമാസ് പ്രവര്‍ത്തകരുണ്ടെന്ന് ഇസ്രയേല്‍

 യുഎന്‍ ജീവനക്കാരെയടക്കം ഇസ്രയേല്‍ യുദ്ധത്തില്‍ വധിക്കുന്നതിനെതിരെ അമെരിക്കയടക്കം എതിര്‍പ്പുമായി രംഗത്ത് വന്ന സാഹചര്യത്തില്‍ വിശദീകരണവുമായി ഇസ്രയേലി സൈന്യം.

സെന്‍ട്രല്‍ ഗാസ മുനമ്ബിലെ ഒരു സ്കൂളില്‍ കഴിഞ്ഞ ഐഡിഎഫ് നടത്തിയ ആക്രമണത്തില്‍ ആറ് ജീവനക്കാര്‍ കൊല്ലപ്പെട്ടുവെന്ന് യുഎന്‍ആര്‍ഡബ്ള്യുഎ(പലസ്തീന്‍ അഭയാര്‍ത്ഥികള്‍ക്കായുള്ള യുണൈറ്റഡ് നേഷന്‍സ് റിലീഫ് ആന്‍ഡ് വര്‍ക്ക്സ് ഏജന്‍സി) റിപ്പോര്‍ട്ട് ചെയ്തിരുന്നു. ഇതോടെയാണ് കൊല്ലപ്പെട്ടവരുടെ പേരു വിവരങ്ങളടക്കം വ്യക്തമാക്കി ഐഡിഎഫ് രംഗത്തെത്തിയത്.

യുഎന്‍ പലസ്തീന്‍ അഭയാര്‍ഥി ഏജന്‍സിയില്‍ ജോലി ചെയ്തിരുന്നവരുള്‍പ്പെടെ ഒമ്ബത് ഹമാസ് പ്രവര്‍ത്തകരാണ് ഈ ആക്രമണത്തില്‍ കൊല്ലപ്പെട്ടതെന്ന് ഇസ്രയേലി സൈന്യം അറിയിച്ചു.