സ്‌കൂളിന്റെ വിജയത്തിനായി അരുംകൊല; രണ്ടാം ക്ലാസുകാരനെ സ്വകാര്യ സ്‌കൂള്‍ അധികൃതര്‍ ബലി നല്‍കി

ഉത്തര്‍പ്രദേശിലെ ഹാത്രസില്‍ രണ്ടാം ക്ലാസുകാരനെ സ്വകാര്യ സ്‌കൂള്‍ അധികൃതര്‍ ബലി നല്‍കി. രാസ്ഗാവനിലെ ഡിഎല്‍ പബ്ലിക് സ്‌കൂളില്‍ ഹോസ്റ്റല്‍ വിദ്യാര്‍ത്ഥിയായ കുട്ടിയാണ് കൊല്ലപ്പെട്ടത്.

സ്‌കൂളിന്റെ വിജയത്തിനായായിരുന്നു അരുംകൊല. സംഭവത്തില്‍ സ്‌കൂള്‍ ഡയറക്ടറും ഇയാളുടെ പിതാവും മൂന്ന് അധ്യാപകരുമുള്‍പ്പെടെ അഞ്ച് പേരെ പൊലീസ് അറസ്റ്റ് ചെയ്തിട്ടുണ്ട്.

സ്‌കൂള്‍ ഡയറക്ടറുടെ പിതാവ് ദിനേശ് ഭാഗേല്‍ ആഭിചാര ക്രിയകളില്‍ വിശ്വസിച്ചിരുന്നതായി പൊലീസ് പറഞ്ഞു. കുട്ടിയെ ഹോസ്റ്റലില്‍ നിന്നും വിളിച്ചിറക്കിയ പ്രതികള്‍ കുട്ടി കരയാന്‍ തുടങ്ങിയതോടെ കഴുത്തുഞ്ഞെരിച്ച്‌ കൊലപ്പെടുത്തുകയായിരുന്നു.

മന്ത്രവാദ ക്രിയകള്‍ക്കുപയോഗിക്കുന്ന വസ്തുക്കള്‍ സ്‌കൂള്‍ പരിസരത്തു നിന്നും കണ്ടെത്തി. സെപ്റ്റംബര്‍ ആറിന് സമാന രീതിയില്‍ പ്രതികള്‍ മറ്റൊരു കുട്ടിയെ കൊലപ്പെടുത്താന്‍ ശ്രമിച്ചിരുന്നു.