എയര്‍ ഇന്ത്യക്കു പിന്നാലെ ഇൻഡിഗോ വിമാനങ്ങള്‍ക്ക് നേരെയും ബോംബ് ഭീഷണി

എയര്‍ ഇന്ത്യക്കു ബോംബ് ഭീഷണി ലഭിച്ചതിനു പിന്നാലെ മുംബൈയില്‍ നിന്ന് പുറപ്പെടുന്ന രണ്ട് ഇൻഡിഗോ വിമാനങ്ങള്‍ക്ക് നേരെയും ബോംബ് ഭീഷണി.

മുംബൈയില്‍ നിന്ന് മസ്കറ്റിലേക്ക് പുറപ്പെടാനിരുന്ന 6E 1275, മുംബൈയില്‍ നിന്ന് ജിദ്ദയിലേക്ക് പോകേണ്ടിയിരുന്ന 6E 56 എന്നീ വിമാനങ്ങള്‍ക്കു നേരെയാണ് ഭീഷണി. ഭീഷണിക്കു പിന്നാലെ സുരക്ഷാ പരിശോധനയ്ക്കായി വിമാനങ്ങള്‍ മാറ്റിയിട്ടിരിക്കുകയാണ്.

മുംബൈയില്‍ നിന്ന് ന്യൂയോർക്കിലേക്ക് പോവുകയായിരുന്ന എയർ ഇന്ത്യ വിമാനത്തിനാണ് നേരത്തെ ബോംബ് ഭീഷണി ലഭിച്ചത്. തുടർന്ന് രാത്രി രണ്ടു മണിയോടെ വിമാനത്താവളത്തില്‍ നിന്ന് പുറപ്പെട്ട AI 119 വിമാനം ഡല്‍ഹിയില്‍ ലാൻഡ് ചെയ്യുകയായിരുന്നു.