ചത്തീസ്ഗഡില്‍ വീണ്ടും ഏറ്റുമുട്ടല്‍; എട്ട് മാവോയിസ്റ്റുകളെ വധിച്ചു

ചത്തീസ്ഗഡില്‍ ഏറ്റുമുട്ടലിനിടെ എട്ട് മാവോയിസ്റ്റുകളെ സുരക്ഷാ സേന വധിച്ചു. ബിജാപൂറില്‍ ഇന്നലെ രാവിലെ 8.30- ഓടെയാണ് ഏറ്റുമുട്ടലുണ്ടായത്. ഗംഗളൂർ പൊലീസ് സ്റ്റേഷൻ പരിധിയിലുള്ള വനത്തിൽ മാവോയിസ്റ്റുകളുടെ സാന്നിധ്യമുണ്ടെന്ന രഹസ്യ വിവരം കിട്ടിയതിന്റെ അടിസ്ഥാനത്തിലാണ് മേഖലയില്‍ തിരച്ചില്‍ ആരംഭിച്ചത്.

ജില്ലാ റിസർവ് ഗാർഡ് , സ്പെഷ്യൽ ടാസ്‌ക് ഫോഴ്‌സ് , സെൻട്രൽ റിസർവ് പോലീസ് ഫോഴ്‌സ് , കോബ്ര എന്നിവരടങ്ങിയ സം​ഘമാണ് മാവോയിസ്റ്റുകളെ വധിച്ചത്. മാവോയിസ്റ്റുകളുടെ ഐഇഡി ആക്രമണത്തില്‍ ഡിസ്ട്രിക്റ്റ് റിസര്‍വ് ഫോഴ്‌സിലെ എട്ടു ഉദ്യോഗസ്ഥര്‍ കൊല്ലപ്പെട്ടതിന് പിന്നാലെയാണ് ഈ ഏറ്റുമുട്ടല്‍ ഉണ്ടായിരിക്കുന്നത്. ഈ വർഷം ഇതുവരെ വ്യത്യസ്ത ഏറ്റുമുട്ടലുകളിൽ 48 മാവോയിസ്റ്റുകളാണ് കൊല്ലപ്പെട്ടത്.