നടിയെ ആക്രമിച്ച കേസ്; നടന്‍ ദിലീപിന്റെ സുഹൃത്ത് ശരത് കസ്റ്റഡിയില്‍

നടിയെ ആക്രമിച്ച കേസില്‍ ദിലീപിന്റെ സുഹൃത്ത് ശരത് അറസ്റ്റില്‍. തെളിവ് നശിപ്പിച്ചതിനാണ് അറസ്റ്റെന്ന് ക്രൈംബ്രാഞ്ച് വ്യക്തമാക്കി.

തുടര്‍ അന്വേഷണത്തിലെ ആദ്യത്തെ അറസ്റ്റാണ് ഇന്ന് രേഖപെടുത്തിയത്. നടിയെ ആക്രമിച്ച പകര്‍ത്തിയ ദൃശ്യങ്ങള്‍ ദിലീപിന്റെ വീട്ടിലെത്തിച്ചതെന്ന് അന്വേഷണ ഉദ്യോഗസ്ഥര്‍ പറയുന്നു. ശബ്ദ സാമ്പിള്‍ പരിശോധിച്ചതിന് ശേഷമാണ് ശരത്താണെന്ന് പൊലീസിന് മനസ്സിലായത്.

അന്വേഷണ ഉദ്യോഗസ്ഥരെ അപായപ്പെടുത്താന്‍ ശ്രമിച്ച സംഭവത്തില്‍ നടന്റെ അഭിഭാഷകരെ പ്രതി ചേര്‍ക്കുമെന്ന് ക്രൈം ബ്രാഞ്ച് വ്യക്തമാക്കി. അഭിഭാഷകരായ ഫിലിപ്പ് വര്‍ഗീസ്, സുജേഷ് എന്നിവരെയാണ് പ്രതി ചേര്‍ക്കുക.

തെളിവുകള്‍ നശിപ്പിച്ചതില്‍ അഭിഭാഷകര്‍ക്ക് പങ്കുണ്ടെന്ന് കേസില്‍ മാപ്പ് സാക്ഷിയായ സായ് ശങ്കര്‍ മൊഴി നല്‍കിയിട്ടുണ്ട്. തുടര്‍ന്നാണ് അഭിഭാഷകരെയും പ്രതി ചേര്‍ത്തത്. കേസില്‍ കുറ്റപത്രം കോടതിയില്‍ സമര്‍പ്പിക്കുമ്പോള്‍ അഭിഭാഷകരെ പ്രതിപ്പട്ടികയില്‍ ഉള്‍പ്പെടുത്തിയേക്കും.

Content Highlight – Case of assault on actress Actor Dileep’s friend Sarath in custody