ഋഷി കപൂറിനും ഇര്‍ഫാന്‍ ഖാനുമെതിരായ അധിക്ഷേപ ട്വീറ്റ്; കമാല്‍ ആര്‍ ഖാന്‍ അറസ്റ്റില്‍
Entertainment Desk
Posted On August 30, 2022
ഋഷി കപൂര്‍, ഇര്‍ഫാന്‍ ഖാന്‍ എന്നിവര്‍ക്കെതിരായ വിവാദ ട്വീറ്റില്‍ ബോളിവുഡ് നടന്‍ കമാല്‍ ആര്‍ ഖാന്‍ അറസ്റ്റില്‍. 2020ല്‍ അധിക്ഷേപ പരാമര്‍ശങ്ങളുമായി ചെയ്ത ട്വീറ്റിന്റെ പേരില്‍ യുവസേന അംഗം രാഹുല്‍ കാനാല്‍ ഇയാള്‍ക്കെതിരെ പരാതി നല്‍കിയിരുന്നു. ഇതിന്റെ അടിസ്ഥാനത്തില്‍ മുംബൈ മാലാഡ് പോലീസാണ് ഇയാളെ അറസ്റ്റ് ചെയ്തത്.
ദുബായില്‍ നിന്നും മുംബൈയില്‍ എത്തിയ കെആര്‍കെയെ വിമാനത്താവളത്തില്‍ തടഞ്ഞ് ചോദ്യം ചെയ്യലിന് ശേഷം അറസ്റ്റ് ചെയ്യുകയായിരുന്നു. ഇന്ത്യന്‍ ശിക്ഷാ നിയമത്തിലെ 153 എ, 294, 500, 501, 505, 67, 98 വകുപ്പുകള്‍ പ്രകാരമാണ് കേസെടുത്തിരിക്കുന്നത്. കാനാലിന്റെ പരാകിയില്‍ കെആര്‍കെയ്‌ക്കെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു.
ഇയാളെ അറസ്റ്റ് ചെയ്തതായി മുംബൈ പൊലീസ് അറിയിച്ചു. രാത്രി 11 മണിക്ക് ബോറിവലി കോടതിയില്‍ ഹാജരാക്കുമെന്ന് പരാതിക്കാരന്‍ രാഹുല്‍ കാനാല്‍ അറിയിച്ചു. നിരവധി പേര്‍ക്കെതിരെ സോഷ്യല്‍ മീഡിയയില്‍ അധിക്ഷേപ പരാമര്‍ശങ്ങള്‍ നടത്തിയതിന്റെ പേരില്‍ വിവാദത്തിലായ ആളാണ് കമാല്‍ ആര്‍ ഖാന്‍.
Content highlights – abusive tweet, kamal r khan arrested
Trending Now
