നടൻ സിദ്ദിഖിന് കുരുക്ക് മുറുകുന്നു; തെളിവുകൾ നടിക്ക് അനുകൂലം

ലൈംഗികാരോപണ കേസിൽ നടൻ സിദ്ദിഖിന് കുരുക്ക് മുറുകുന്നു. നടി പോലെ സിദ്ദിഖ് തിരുവനന്തപുരത്തെ മസ്കറ്റ് ഹോട്ടലിൽ ഉണ്ടായിരുന്നുവെന്നതിന്റെ രേഖകൾ അന്വേഷണ സംഘത്തിന് ലഭിച്ചിരിക്കുകയാണ് ഇപ്പോൾ. പരാതിയിൽ പറയുന്ന ദിവസങ്ങളിൽ രഞ്ജിത്തും നടിയും ഹോട്ടലിൽ ഉണ്ടായിരുന്നു എന്ന് തെളിയിക്കുന്ന രേഖകളും ലഭിച്ചു. പ്രിവ്യൂ ഷോയ്ക്കും ഇരുവരുമുണ്ടായിരുന്നു. 2016ലാണ് സംഭവം നടക്കുന്നത്.

അതേസമയം ഹോട്ടലിലെ പരിശോധന പൂർത്തിയായി. കന്റോൺമെന്റ് എ.സിയുടെ നേതൃത്വത്തിലുള്ള പോലീസ് സംഘമാണ് വിവരങ്ങൾ ശേഖരിച്ചത്. ഹോട്ടലിലെ രജിസ്റ്ററും കംപ്യൂട്ടറിലെ വിവരങ്ങളും കണ്ടെടുത്തു. ഗസ്റ്റ് രജിസ്റ്ററിൽ പേര് ചേർത്തിരുന്നുവെന്ന് നടിയുടെ മൊഴിയിൽ പറയുന്നു. അതുകൊണ്ട് തന്നെയും നടിയുടെ രഹസ്യമൊഴി മജിസ്‌ട്രേറ്റിന്റെ സാന്നിധ്യത്തിൽ രേഖപ്പെടുത്തി മുന്നോട്ട് പോകാനാണ് അന്വേഷണസംഘത്തിന്റെ തീരുമാനം. സിദ്ദിഖിനെതിരെ ഗുരുതര ആരോപണങ്ങളാണ് രേവതി സമ്പത്ത് ഉയർത്തിയിരുന്നത്.