പ്രചരണത്തിന്റെ ഭാഗമായി അടിപൊളി ഓണപ്പാട്ടുമായി ‘ചട്ടമ്പി’. ശ്രീനാഥ് ഭാസി നായകനായ പുതിയ ചിത്രം ‘ചട്ടമ്പി’ റിലീസിനൊരുങ്ങുകയാണ്. ഇതിനു മുന്നോടിയായാണ് പുതിയ ഗാനം പുറത്തുവിട്ടിരിക്കുന്നത്. ‘ഇങ്ങാട്ട് നോക്ക് പിച്ചി പൂത്തത്’ എന്ന ഗാനമാണ് അണിയറസംഘം പുറത്തുവിട്ടത്. ഓണപാട്ട് പാടിയിരിക്കുന്നത് ശ്രീനാഥ് ഭാസിയാണ്. ഭീഷ്മ പര്‍വ്വത്തിലെ ‘പറുദീസാ’ ഗാനത്തിന് ശേഷം ശ്രീനാഥ് ഭാസി പാടുന്ന പാട്ടാണ് ഇത്. നാടന്‍ പാട്ടിന്റെ ശീലുകള്‍ നിറഞ്ഞ ഗാനം എഴുതിയത് കൃപേഷും സംഗീത സംവിധാനം നിര്‍വ്വഹിച്ചത് ശേഖര്‍ മേനോനുമാണ്.
ആര്‍ട്ട് ബീറ്റ് സ്റ്റുഡിയോസിന്റെ ബാനറില്‍ ആസിഫ് യോഗി നിര്‍മ്മിച്ച ‘ചട്ടമ്പി’ അഭിലാഷ് എസ് കുമാറാണ് സംവിധാനം ചെയ്തിരിക്കുന്നത്. 1990കളിലെ ഇടുക്കിയുടെ പശ്ചാത്തലത്തില്‍ ഒരു നാടന്‍ ചട്ടമ്പിയുടെ കഥപറയുന്ന സിനിമയില്‍ ചെമ്പന്‍ വിനോദ്, ഗുരു സോമസുന്ദരം, ബിനു പപ്പു, ഗ്രേസ് ആന്റണി, മൈഥിലി തുടങ്ങിയവര്‍ പ്രധാന വേഷങ്ങളില്‍ എത്തുന്നു. ഡോണ്‍ പാലത്തറയുടെ കഥക്ക് തിരക്കഥയും സംഭാഷണവും ഒരുക്കിയത് അലക്സ് ജോസഫാണ്. ചിത്രത്തിന്റെ ഛായാഗ്രഹണവും അലക്സാണ് നിര്‍വഹിച്ചത്.
സിറാജ്, സന്ദീപ്, ഷനില്‍, ജെസ്ന അഷിം എന്നിവരാണ് സഹ നിര്‍മ്മാതാക്കള്‍. സിറാജാണ് എക്സിക്യൂട്ടീവ് പ്രൊഡ്യൂസര്‍. എഡിറ്റിംഗ് നിര്‍വഹിച്ചിരിക്കുന്നത് ജോയല്‍. പ്രൊഡക്ഷന്‍ കണ്‍ട്രോളര്‍ ജിനു പി കെ, മേക്കപ്പ്: റോണക്സ് സേവ്യര്‍, ആര്‍ട്ട് ഡയറക്ടര്‍ സെബിന്‍ തോമസ്, വസ്ത്രാലങ്കാരം: മഷര്‍ ഹംസ പി ആര്‍ ഒ ആതിര ദില്‍ജിത്ത് എന്നിവരാണ് സിനിമയുടെ അണിയറയില്‍ പ്രവര്‍ത്തിച്ചിരിക്കുന്നത്.
മ്യൂസിക്ക് 247 ആണ് ‘ഇങ്ങാട്ട് നോക്ക് പിച്ചി പൂത്തത്’ എന്ന ഗാനം പുറത്തിറക്കിയിട്ടുള്ളത്. അടുത്ത മാസം ചിത്രം തീയേറ്ററുകളില്‍ എത്തും.
Content Highlight: Sreenath Bhasi, Chattambi Movie, Malayalam Movie, Entertainment News
Trending Now
കേരളത്തിന് സമീപം ചക്രവാത ചുഴി; മഴ ശക്തമാകും
You may also like
