ഈ മാസം 16, 17, 18 തീയതികളിൽ സംസ്ഥാന ചലച്ചിത്ര അക്കാദമിയുടെ ആഭിമുഖ്യത്തിൽ കോഴിക്കോട് കൈരളി, ശ്രീ തിയേറ്ററുകളിൽ നടക്കുന്ന മൂന്നാമത് അന്താരാഷ്ട്ര വനിതാ ചലച്ചിത്രമേളയിൽ വനിതാസംവിധായകരുടെ 24 ചിത്രങ്ങൾ പ്രദർശിപ്പിക്കും. 26-ാമത് ഐ എഫ് എഫ് കെയിൽ മികച്ച ചിത്രത്തിനുള്ള സുവർണചകോരവും മികച്ച നവാഗതസംവിധായകയ്ക്കുള്ള രജതചകോരവും നേടിയ ‘ക്ലാരസോള’യാണ് ഉദ്ഘാടനച്ചിത്രം. ചലച്ചിത്രമേളയിൽ രണ്ട് പ്രദർശനങ്ങൾ ഉണ്ടായിരിക്കും. കൈരളി തിയറ്ററിൽ 16-ന് വൈകീട്ട് ആറുമണിക്കുള്ള ഉദ്ഘാടനച്ചടങ്ങിനു ശേഷമായിരിക്കും പ്രദർശനം.
ഐ എഫ് എഫ് കെയിൽ ഇനസ് മരിയ ബാറിയോനുയേവയ്ക്ക് മികച്ച സംവിധായകകയ്ക്കുള്ള രജതചകോരം നേടിക്കൊടുത്ത ‘കമീല കംസ് ഔട്ട് ടുനൈറ്റ്’ എന്ന അർജന്റീനിയൻ ചിത്രവും മേളയിലുണ്ട്. ലോകസിനിമ, ഇന്ത്യൻസിനിമ, മലയാളസിനിമ, ഡോക്യുമെന്ററി, ഷോർട്ഫിക്‌ഷൻ എന്നീ വിഭാഗങ്ങളിലാണ് പ്രദർശനം. 17, 18 തീയതികളിൽ വൈകീട്ട് അഞ്ചിന് ഓപ്പൺഫോറമുണ്ടാവും. ഡെലിഗേറ്റ് പാസ് വിതരണം 15-ന് തുടങ്ങും. മുതിർന്നവർക്ക് 300 രൂപയും വിദ്യാർഥികൾക്ക് 200 രൂപയുമാണ് ഫീസ്.
Content Highlights – IFFK, Woman, Inauguration
Trending Now
