തിളങ്ങുന്ന ജീവിതത്തിനുമപ്പുറം; രാജ്യവുമായി പ്രതിധ്വനിക്കുന്ന മൂല്യവുമായി അനന്ത് അംബാനി

റിലയൻസ് എന്ന മഹാ ബിസിനസ്സ് സാമ്രാജ്യത്തിന്റെ അനന്തരാവകാശിയായ അനന്ത് അംബാനി പലപ്പോഴും വെള്ളിവെളിച്ചത്തിൽ നിന്ന് ഒഴിഞ്ഞു മാറി പോകാത്ത വ്യക്തിത്വമാണ്. രാജകീയ വിവാഹാഘോഷത്തിന്റെ പേരിലും ബിസിനസ്സ് ലോകത്ത് നിന്നുള്ള വമ്പൻ തലകെട്ടുകളിലൂടെയും അനന്ത് അംബാനി വാർത്തകളിൽ നിറഞ്ഞു നിൽക്കുന്നയാളാണ്. എന്നാലിപ്പോഴിതാ, തന്റെ ഒരു ദുർബലമായ വശത്തിന്റെ പേരിൽ സമൂഹ മാധ്യമങ്ങളിൽ ചർച്ചയായി മാറുകയാണ് ഈ യുവാവ്.

ഈ മാറ്റം ആരംഭിച്ചത് അനന്ത് സംസാരിക്കുന്ന ഒരു വീഡിയോ സന്ദേശത്തോടെയാണ്. തന്റെ തൻ്റെ ആരോഗ്യപ്രശ്നങ്ങളെക്കുറിച്ചും അതിലൂടെ കടന്നു പോയ പ്രയാസകരമായ സമയങ്ങളിൽ തന്റെ മാതാപിതാക്കൾ നൽകിയ പിന്തുണയെക്കുറിച്ചും അനന്ത് അംബാനി തുറന്നു സംസാരിച്ചപ്പോൾ, പിതാവ് മുകേഷ് അംബാനിയും കണ്ണീരണിഞ്ഞു. അദ്ദേഹത്തിന്റെ ഈ സത്യസന്ധമായ തുറന്നു പറച്ചിൽ വലിയൊരു മാറ്റമാണ്. ഇന്ത്യയിലെ ഏറ്റവും വലിയ കോടീശ്വരമാരിലൊരാളായ ആൾ, സ്വയം മാനുഷികവൽക്കരിച്ചു കൊണ്ട് ഒരു സാധാരണക്കാരനെ പോലെ തനിക്ക് നേരിടേണ്ടി വന്ന പ്രയാസങ്ങളും താൻ നടത്തിയ പോരാട്ടങ്ങളും തുറന്നു പറയുന്നത്, ഒരുപാട് സാധാരണ ജനങ്ങളുമായി പ്രതിധ്വനിക്കപ്പെടുന്ന ഒന്നാണ്.

ഇതിലൂടെ അനന്ത് അംബാനി മുന്നോട്ടു വെക്കുന്ന മൂല്യങ്ങൾ അനുദിനം വളരുന്ന ഒരു ട്രെൻഡിന്റെ കൂടെ ഭാഗമാകുകയാണ്. വളരെ ആധികാരികവും ലളിതവും ശക്തവും യഥാർത്ഥവുമായ രീതിയിൽ മനുഷ്യൻ തുറന്നു സംസാരിക്കുന്ന ട്രെൻഡ്. സമൂഹ മാധ്യമങ്ങളിലൂടെയും പൊതുജനങ്ങൾക്ക് മുന്നിലുള്ള അവതരണങ്ങളിലൂടെയും അനന്ത് അംബാനി എന്ന മനുഷ്യന്റെ പോരാട്ടങ്ങൾ, സന്തോഷങ്ങൾ, ഉത്കണ്ഠകൾ എല്ലാം നമ്മൾ ഓരോരുത്തരുടെയും പോലെ തന്നെ സംവദിക്കപ്പെടുന്നു.

ആ ആപേക്ഷികത വളരെ പ്രധാനപ്പെട്ട ഒരു കാര്യമാണ്. അത് പരസ്പര ബന്ധവും ധാരണയും വളർത്തുന്നു. അനന്ത് അംബാനി തൻ്റെ ആരോഗ്യപ്രശ്‌നങ്ങളെ കുറിച്ച് തുറന്ന് പറഞ്ഞപ്പോൾ, അത് പ്രത്യേകിച്ച് പുരുഷന്മാർക്കിടയിൽ പലപ്പോഴും നിശ്ശബ്ദമായി പോകുന്ന ഒരു വിഷയത്തിലേക്ക് വെളിച്ചം വീശുകയാണ് ചെയ്തത്. വിജയവും സമ്പത്തും വൈകാരികമായ വെല്ലുവിളികളിൽ നിന്ന് അവരെ സംരക്ഷിക്കുന്നില്ലെന്ന് ഇത് തുറന്നു കാണിക്കുന്നു.

തീർച്ചയായും, ഇതിനെ ദോഷൈകദൃക്കുകളായി വീക്ഷിക്കുന്നവരുമുണ്ടാകും. ഈ തുറന്നു കാണിക്കുന്ന ദുർബലതയെ, ഒരു അപകടകരമായ കണക്കുകൂട്ടിയുള്ള നീക്കമായി കാണുന്നവരും ഉണ്ടായേക്കാം. ഒരുപക്ഷെ അത് ഭാഗികമായി ശരിയാണെന്നു കരുതിയാൽ പോലും, അതുണ്ടാക്കുന്ന സ്വാധീനം നിലനിൽക്കുമെന്നു പറയേണ്ടി വരും. തുറന്ന മനസ്സോടെ അനന്ത് അംബാനി വെളിപ്പെടുത്തിയ കാര്യങ്ങൾ ആരോഗ്യത്തെക്കുറിച്ചുള്ള സംഭാഷണങ്ങൾ പ്രോത്സാഹിപ്പിക്കാനും സഹായം തേടാൻ ആളുകളെ പ്രചോദിപ്പിക്കാനും വഴിതുറക്കുമെങ്കിൽ, അത് ഒരു വിജയമാണ്.

സമ്പത്ത് ഉണ്ടാക്കുന്നതിൽ മാത്രം മുഴുകിയിരിക്കുന്ന ഒരു ലോകത്ത്, അദ്ദേഹത്തിൻ്റെ വാക്കുകൾ നൽകുന്ന സന്ദേശം ശക്തമായ ഒന്നാണെന്ന് പറയേണ്ടി വരും: യഥാർത്ഥ ശക്തി ഭൗതികമായ വിജയത്തിൽ മാത്രമല്ല, നിങ്ങളുടെ മൂല്യങ്ങളെ അംഗീകരിക്കുന്നതിലുമാണ് എന്ന് അത് കാണിച്ചു തരുന്നുണ്ട്. ഇത് ഒരു രാജ്യത്തോടും ഒരുപക്ഷെ ലോകത്തോടും പ്രതിധ്വനിക്കുന്ന ഒരു സന്ദേശമാണ്. കാരണം നമ്മൾ ഓരോരുത്തരും മാനുഷികമായ അനുഭവങ്ങളിലൂടെ ഓരോ ദിവസവും കടന്നു പോകുന്നവരാണ്. കോടീശ്വരനാണെങ്കിലും അല്ലെങ്കിലും, നമുക്കെല്ലാവർക്കും പരസ്പരം മനസ്സിലാക്കാനും ബന്ധിപ്പിക്കാനും കഴിയുന്ന ഒന്നാണ് ആ അനുഭവങ്ങൾ.