വധശ്രമക്കേസില്‍ കസ്റ്റഡിയിലെടുത്ത ബി ജെ പി പ്രവര്‍ത്തകന്‍ രക്ഷപ്പെട്ടു, പ്രതിഷേധവുമായി സി പി എം

വധശ്രമക്കേസില്‍ പൊലീസ് കസ്റ്റഡിയില്‍ എടുത്ത പ്രതി രക്ഷപ്പെട്ടതിനെ ചൊല്ലി സി.പി.എം പ്രതിഷേധം. ബി.ജെ.പി പ്രവര്‍ത്തകനായ അനിലാണ് പൊലീസ് കസ്റ്റഡിയില്‍ നിന്ന് രക്ഷപ്പെട്ടത്. സംഭവത്തില്‍ ബി.ജെ.പി – പൊലീസ് ഒത്തുകളിയെന്ന് ആരോപിച്ച്‌ സി.പി.എം രംഗത്ത് വന്നു. കണ്ണൂര്‍ മൂഴക്കുന്ന് പൊലീസ് സ്റ്റേഷന് മുന്നില്‍ പ്രതിഷേധിച്ചു.

സി.പി.എം പ്രവര്‍ത്തകനെ ആക്രമിച്ച കേസിലാണ് അനിലിനെ കസ്റ്റഡിയിലെടുത്തത്. ഇയാളെ രാത്രി പിടികൂടി സ്റ്റേഷനിലേക്ക് കൊണ്ടുവരുന്നതിനിടെയാണ് ജീപ്പില്‍ നിന്ന് ഇറങ്ങിയോടി രക്ഷപ്പെട്ടതെന്ന് പൊലീസ് പറഞ്ഞു.