സംസ്ഥാനത്ത് സ്വര്‍ണവിലയില്‍ നേരിയ വര്‍ധനവ്

സംസ്ഥാനത്ത് സ്വര്‍ണവിലയില്‍ ഇന്ന് നേരിയ വര്‍ധനവ്. പവന് ഇന്നും 40 രൂപ മാത്രമാണ് വര്‍ധിച്ചത്. ഇന്ന് 72,880 രൂപയിലാണ് സ്വര്‍ണവ്യാപാരം നടക്കുന്നത്. 72,840 രൂപയായിരുന്നു ഇന്നലത്തെ വില. രണ്ട് ദിവസം കൊണ്ട് 80 രൂപയാണ് പവന് കൂടിയത്. ഗ്രാമിന് 5 രൂപ കൂടി 9,110 രൂപയായി. 24 കാരറ്റിന് പവന് 79,504 രൂപയും ഗ്രാമിന് 9,938 രൂപയുമാണ് വില. 18 കാരറ്റിന് പവന് 59,632 രൂപയും ഗ്രാമിന് 7,454 രൂപയുമാണ് വില.

അടുത്ത മാസം വിവാഹ സീസണ്‍ ആരംഭിക്കാനിരിക്കെ ജ്വല്ലറികളില്‍ മുന്‍കൂര്‍ ബുക്കിംഗ് സജീവമായിട്ടുണ്ട്. സ്വര്‍ണവില അടിക്കടി ഉയര്‍ന്നു തുടങ്ങിയതോടെ പലരും മുന്‍കൂര്‍ ബുക്കിംഗിലേക്ക് മാറിയിട്ടുണ്ട്. ബുക്ക് ചെയ്യുന്ന ദിവസത്തെ വിലയ്ക്ക് പിന്നീട് സ്വര്‍ണം വാങ്ങാന്‍ പറ്റുമെന്നതാണ് ഇതിന്റെ നേട്ടം.