‘മനുഷ്യമാംസം കൊത്തിവലിക്കുന്ന കഴുകനെ പോലെ’; കലോത്സവത്തിൽ രാഹുൽ മാങ്കൂട്ടത്തിലിനെതിരെ ഏകാഭിനയം
National Desk
Posted On January 17, 2026
മനുഷ്യമാംസം കൊത്തിവലിക്കുന്ന കഴുകനെ ബലാത്സംഗ കേസിലെ പ്രതിയായ രാഹുല് മാങ്കൂത്തില് എംഎല്എയുമായി താരതമ്യം ചെയ്ത് ഏകാഭിനയ മത്സരാർത്ഥി. കൂട്ടിലടച്ചാലും കഴുകന് കഴുകനാണെന്ന് ഓര്മ വേണം കേരളമേ എന്ന് ശ്രീവിന്യ രാഹുലിനെതിരെ ആഞ്ഞടിച്ചു. പല സമൂഹിക രാഷ്ട്രീയ വിഷയങ്ങളെ പശ്ചാത്തലമാക്കി കലാസൃഷ്ടികള് ഉയരുന്ന വേദിയാണ് കലോത്സവത്തിന്റേത്. അതില് ചിലത് നെഞ്ചില് തറയ്ക്കും. അത്തരത്തില് കാഴ്ച്ചക്കാരന്റെ മനസില് തീകോരിയിട്ട പ്രകടനമായിരുന്നു ഏകാഭിനയത്തില് എം സി ശ്രീവിന്യയുടേത്.
തെറ്റ് ചെയ്തവര് ആരായാലും അതിനെ തെറ്റായി കാണണമെന്ന് പറഞ്ഞ് തുടങ്ങിയ ഏകാഭിനയം പുരോഗമിക്കുമ്പോള് രാഹുലിനെതിരെ രൂക്ഷ വിമര്ശനത്തിന്റെ ഭാഷ തന്നെയായിരുന്നു ശ്രീവിന്യ ഉപയോഗിച്ചത്. കഴുകന് അമ്മ നല്ല ഉപദേശങ്ങള് നല്കിയിട്ടും കഴുകന് അതിന്റെ തനി സ്വഭാവം കാണിക്കുകയാണ്. ഉയരത്തില് പറക്കുന്ന കഴുകന്റെ പതനത്തിന്റെ ആഴത്തിന് വലിയ തൊഴ്ച്ചയുണ്ടാകും. സമൂഹം കൂട്ടിലടച്ചാലും കഴുകന് എന്നും കഴുകന് തന്നെയാണെന്നും ശ്രീവിന്യ ഓര്മ്മിപ്പിച്ചു.
