മൈക്രോസോഫ്റ്റ് പ്രതിസന്ധി; കൊച്ചിയില്‍നിന്നുള്ള ഒമ്ബത് വിമാനസര്‍വീസുകള്‍ റദ്ദാക്കി

കഴിഞ്ഞദിവസം മൈക്രോസോഫ്റ്റ് വിൻഡോസില്‍ നേരിട്ട പ്രതിസന്ധിയെത്തുടർന്ന് കൊച്ചി വിമാനത്താവളത്തില്‍നിന്നുള്ള ഏതാനും വിമാനസർവീസുകള്‍ ഇന്നും റദ്ദാക്കി.

കൊച്ചിയില്‍നിന്ന് ഷെഡ്യൂള്‍ ചെയ്തിരുന്ന ഒമ്ബത് ആഭ്യന്തരസർവീസുകളാണ് ശനിയാഴ്ച റദ്ദാക്കിയത്. അതേസമയം, വിമാനക്കമ്ബനികളുടെ ചെക്ക് ഇൻ സംവിധാനം സാധാരണനിലയിലായിട്ടുണ്ടെന്നും വിമാനത്താവള അധികൃതർ അറിയിച്ചു.

മുംബൈ, ഹൈദരാബാദ്, ചെന്നൈ, ബെംഗളൂരു, കൊല്‍ക്കത്ത എന്നിവിടങ്ങളിലേക്കുള്ള ഇൻഡിഗോയുടെയും എയർഇന്ത്യ എക്സ്പ്രസിന്റെയും ഏതാനും സർവീസുകളാണ് ശനിയാഴ്ച റദ്ദാക്കിയത്. മൈക്രോസോഫ്റ്റ് പ്രതിസന്ധിയെത്തുടർന്ന് കഴിഞ്ഞദിവസം കൊച്ചിയില്‍നിന്നുള്ള 12 ആഭ്യന്തര സർവീസുകള്‍ റദ്ദാക്കിയിരുന്നു. ദുബായിലേക്കുള്ള വിമാനമുള്‍പ്പെടെ എട്ടുസർവീസുകള്‍ വൈകുകയുംചെയ്തു.