സ്വര്‍ണവില ഇന്നും കൂടി, 80000 തൊടുന്നു

കേരളത്തില്‍ സ്വര്‍ണവില ഇന്നും വര്‍ധിച്ചു. ഈ ആഴ്ച ഒരു ദിവസം മാത്രമാണ് വിലയിൽ ചെറിയ ഒരു കുറവ് വന്നത്. ബാക്കി ദിവസങ്ങളിലെല്ലാം സ്വര്‍ണവില അടിച്ചുകയറുകയായിരുന്നു. ഇന്ന് 640 രൂപയാണ് ഒരു പവന് വര്‍ധിച്ചത്. ഇന്നലെ 560 രൂപ വര്‍ധിച്ച പിന്നാലെയാണിത്.

വലിയ കുതിപ്പ് നടത്തിയതോടെ സ്വര്‍ണാഭരണം വില്‍ക്കുന്നവരും വാങ്ങുന്നവരും ആശങ്കയിലാണ്.
സ്വര്‍ണം വാങ്ങാന്‍ കൊതിക്കുന്നവര്‍ക്ക് ഉയര്‍ന്ന വില കാരണം അതിന് സാധിക്കുന്നില്ല. ജ്വല്ലറി വ്യാപാരികള്‍ക്ക് കച്ചവടം കുറയുകയും ചെയ്തു. എന്നാല്‍ സ്വര്‍ണവില്‍പ്പന നടക്കുന്നുമുണ്ട്. ആഭരണം വാങ്ങുന്നത് നഷ്ടക്കച്ചവടാണ് എന്ന് മനസിലാക്കി ഉപഭോക്താക്കള്‍ കോയിന്‍, കട്ടി, ഡിജിറ്റല്‍ സ്വര്‍ണം എന്നിവയിലേക്ക് തിരിഞ്ഞിരിക്കുന്നു.