ഉമാ തോമസ് സത്യപ്രതിജ്ഞ ചെയ്തു

തൃക്കാക്കര എം എൽ എയായി ഉമാതോമസ് സത്യപ്രതിജ്ഞ ചെയ്തു.രാവിലെ 11.30 ന് സ്പീക്കർ എം ബി രാജേഷിന്റെ ചേംബറിലായിരുന്നു സത്യപ്രതിജ്ഞ. ദൈവത്തിന്റെ പേരിലായിരുന്നു ഉമാ തോമസിന്റെ സത്യപ്രതിജ്ഞ. പ്രതിപക്ഷ നേതാവ് വി ഡി സതീശൻ, മുൻ മുഖ്യമന്ത്രി ഉമ്മൻചാണ്ടി, രമേശ് ചെന്നിത്തല എന്നീ യു ഡി എഫ് നേതാക്കൾ ഉമാതോമസിനൊപ്പം എത്തി.

ഈ മാസം ഇരുപത്തിയേഴിന് തുടങ്ങുന്ന നിയമസഭാ സമ്മേളനത്തിൽ ഉമാ തോമസ് പങ്കെടുക്കും. തൃക്കാക്കര ഉപതെരഞ്ഞെടുപ്പിൽ 72,767 വോട്ടുകൾ നേടിയാണ് ഉമാ തോമസ് നിയമസഭയിൽ എത്തിയത്. ഒരു മാസത്തോളം നീണ്ട പ്രചാരണത്തിൽ എൽ ഡി എഫ് സ്ഥാനാർഥിയായിരുന്ന ഡോ. ജോ ജോസഫിനെയാണ് പരാജയപ്പെടുത്തിയത്.

കഴിഞ്ഞ തെരഞ്ഞെടുപ്പിൽ പി ടി തോമസ് നേടിയത് 59,839 വോട്ടുകളായിരുന്നു. അന്ന് പി ടി ക്ക് കിട്ടിയ ഭൂരിപക്ഷത്തേക്കാൾ12,928 വോട്ടുകൾ നേടിയാണ് ഉമാ തോമസ് ജയിച്ചത്.

Content Highlights: Uma Thomas Swearing-in