ഇന്ന് 9 ജില്ലകളില്‍ യെല്ലോ അലര്‍ട്ട്; നാളെ മുതല്‍ മഴ മുന്നറിയിപ്പ് ഇല്ല

സംസ്ഥാനത്ത് മഴ മുന്നറിയിപ്പില്‍ മാറ്റം. നേരത്തെ വയനാട്, കണ്ണൂര്‍, കാസര്‍കോട് ജില്ലകളില്‍ ഇന്ന് ഓറഞ്ച് അലര്‍ട്ട് പ്രഖ്യാപിച്ചിരുന്നു. കാലാവസ്ഥ വകുപ്പിന്റെ പുതുക്കിയ മഴ മുന്നറിയിപ്പ് അനുസരിച്ച് ഇന്ന് ഒരു ജില്ലയിലും ഓറഞ്ച് ജാഗ്രത ഇല്ല. വയനാട്, കണ്ണൂര്‍, കാസര്‍കോട് ജില്ലകളിലെ മഴ മുന്നറിയിപ്പ് യെല്ലോ അലര്‍ട്ടായി മാറ്റിയിട്ടുണ്ട്.

നാളെ മുതല്‍ ഒരു ജില്ലയിലും മഴ മുന്നറിയിപ്പ് ഇല്ല. നാളെ മുതല്‍ വിവിധ ജില്ലകളില്‍ നേരിയ മഴയ്ക്കുള്ള സാധ്യതയാണ് നിലനില്‍ക്കുന്നത്.