സ്വപ്‌നയുടെ ആരോപണം കാര്യമാക്കുന്നില്ലെന്ന് എം ശിവശങ്കര്‍

സ്വര്‍ണ്ണക്കടത്തു കേസിനോട് അനുബന്ധിച്ചുള്ള ഡോളര്‍ കടത്തില്‍ സ്വപ്‌ന സുരേഷ് ഉന്നയിച്ച ആരോപണം കാര്യമാക്കുന്നില്ലെന്ന് എം ശിവശങ്കര്‍. ഇക്കാര്യത്തില്‍ കൂടുതല്‍ പ്രതികരിക്കാനില്ലെന്നും മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറിയായിരുന്ന ശിവശങ്കര്‍ വ്യക്തമാക്കി. ശിവശങ്കറിന്റെ നിര്‍ദേശം അനുസരിച്ചാണ് കറന്‍സി അടങ്ങിയ ബാഗ് കടത്തിയതെന്നായിരുന്നു സ്വപ്‌ന പറഞ്ഞത്.

മുഖ്യമന്ത്രി, ഭാര്യ കമല, മകള്‍ വീണ, നളിനി നെറ്റോ, എം ശിവശങ്കര്‍, സി കെ രവീന്ദ്രന്‍, മുന്‍മന്ത്രി കെ ടി ജലീല്‍ എന്നിവര്‍ക്കെതിരെയാണ് സ്വപ്‌ന വെളിപ്പെടുത്തലുമായി രംഗത്തെത്തിയത്. 2016ല്‍ മുഖ്യമന്ത്രി ദുബായില്‍ ആയിരിക്കെ മറന്നുവെച്ച ബാഗ് എത്തിക്കാന്‍ തന്നോട് ശിവശങ്കര്‍ ആവശ്യപ്പെട്ടുവെന്നും ബാഗിനുള്ളില്‍ കറന്‍സിയായിരുന്നുവെന്നും സ്വപ്ന കോടതിയില്‍ രഹസ്യമൊഴി നല്‍കിയിരുന്നു. അതിനു ശേഷമാണ് മാധ്യമങ്ങള്‍ക്ക് മുന്നില്‍ സ്വപ്‌ന എത്തിയത്.

Content Highlights: M Sivsankar, Swapna Suresh, Gold Smuggling