ചിരി പടര്‍ത്തി സിനിമയുടെ ടൈറ്റില്‍ ലോഞ്ച് പോസ്റ്റര്‍; എം.എ നിഷാദ് ചിത്രത്തിന്റെ ശീര്‍ഷകം നാളെ പുറത്തിറക്കും

നാല് വര്‍ഷത്തെ ഇടവേളയ്ക്ക് ശേഷം എം.എ നിഷാദ് സംവിധാനം ചെയ്യുന്ന സിനിമയുടെ ലോഞ്ച് തിങ്കളാഴ്ച നടക്കുകയാണ്. വെല്‍ത്ത് ഐ പ്രൊഡക്ഷന്‍സിന്റെ ബാനറില്‍ വിഘ്നേഷ് വിജയകുമാര്‍ നിര്‍മ്മിക്കുന്ന ഈ ചിത്രത്തിന്റെ ടൈറ്റില്‍ ലോഞ്ച് അറിയിക്കുന്ന പോസ്റ്റര്‍ ഏറെ വൈറല്‍ ആയിരിക്കുകയാണ്. ഉത്സവമേളം എന്ന സിനിമയില്‍ ജഗതി ശ്രീകുമാര്‍ അനശ്വരമാക്കിയ മനോജ് കുമാര്‍ എന്ന കഥാപാത്രത്തിന്റെ കാരിക്കേച്ചര്‍ ഉപയോഗിച്ചാണ് പോസ്റ്റര്‍.

‘ സഹജരെ,
നാളെയാണ്,നാളെയാണ്,നാളെയാണ്.
നമ്മുടെ സിനിമയുടെ,
ശീര്‍ഷകം,അഥവാ ടൈറ്റില്‍
പുറത്തിറക്കുന്നത്.
ആ അസുലഭ നിമിഷത്തില്‍,പൊന്നാട
,പൂച്ചെണ്ട്,നോട്ട്മാല,തുടങ്ങിയവ,ലൈക്കായിട്ടും,കമ്മെന്റ്‌റായിട്ടും,ഷെയറായിട്ടും,നല്‍കി അനുഗ്രഹിക്കണേ എന്ന് സ്‌നേഹത്തോടെ അഭ്യര്‍ത്ഥിക്കുന്നു. ഇതാണ് പോസ്റ്ററിലെ വാക്കുകള്‍.

സോഷ്യല്‍ മീഡിയയില്‍ ഈ പോസ്റ്റര്‍ വൈറലായി മാറിയിരിക്കുകയാണ്. മുഴുനീള കോമഡി ചിത്രമായിരിക്കും വരാനിരിക്കുന്നത് എന്നാണ് സിനിമാപ്രേമികള്‍ പ്രതീക്ഷിക്കുന്നത്.