മൈസൂരുവില്‍ ബസും ഇന്നോവ കാറും കൂട്ടിയിടിച്ച് 10 മരണം; മൂന്നു പേര്‍ക്ക് ഗുരുതരമായി പരിക്കേറ്റു

മൈസൂരുവില്‍ സ്വകാര്യ ബസും ഇന്നോവ കാറും കൂട്ടിയിടിച്ച് പത്ത് മരണം. ടി.നരസിപുരയിലാണ് സംഭവം. കാറില്‍ യാത്ര ചെയ്തവരാണ് മരിച്ച പത്തു പേരും. നാലു വയസുള്ള കുട്ടിയും അപകടത്തില്‍ മരിച്ചു. ടി.നരസിപുര സംസ്ഥാനപാതയില്‍ കുറുബൂരു ഗ്രാമത്തില്‍ വൈകുന്നേരം മൂന്നു മണിക്കായിരുന്നു അപകടം.

ബെല്ലാരി സംഘനക്കലില്‍നിന്നു മൈസുരുവില്‍ വിനോദസഞ്ചാരത്തിന് എത്തിയ സംഘമാണ് അപകടത്തില്‍ പെട്ടത്. കൊല്ലപ്പെട്ട മൂന്നു പേരെ തിരിച്ചറിഞ്ഞു. ജനാര്‍ദ്ദന (45), ശശികുമാര്‍ (24), പുനീത് (4) എന്നിവരെയാണ് തിരിച്ചറിഞ്ഞത്. കാര്‍ സ്വകാര്യ ബസിലേക്ക് ഇടിച്ചു കയറുകയായിരുന്നു. പരിക്കേറ്റവരെ മൈസൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചു.