സൈബറാബാദ് പൊലീസിന്റെ പ്രത്യേക അതിഥിയായി ദുൽഖർ സൽമാൻ

സ്വാതന്ത്ര്യ ദിനത്തിൽ തെലങ്കാനയിൽ സൈബറാബാദ് മെട്രോപൊളിറ്റൻ പൊലീസിന്റെ പ്രത്യേക അതിഥിയായി ദുൽഖർ സൽമാൻ. വിഡിയോ സമൂഹമാധ്യമങ്ങളിലൂടെ പങ്കുവച്ചത് താരം തന്നെയാണ്. തെന്നിന്ത്യൻ താര ലോകത്തിന്റെ കേന്ദ്രം ഹൈദരാബാദിലെ ജൂബിലി ഹിൽസാണ്. ഇത്രയധികം തെന്നിന്ത്യൻ താരങ്ങൾ വേറെ ഉണ്ടായിട്ടും ദുൽഖർ സൽമാനെ സ്വാതന്ത്ര്യ ദിനത്തിൽ പതാക ഉയർത്താൻ ക്ഷണിച്ചതിന്റെ അഭിമാനം മലയാളികൾക്കുമുണ്ട്.

വെള്ള കുർത്തയും പാന്റ്സും അണിഞ്ഞ് സൺഗ്ലാസും വച്ച് ഓപ്പൺ ജീപ്പിൽ സ്റ്റൈലായി വരുന്ന ദുൽഖറിന്റെ വിഡിയോ സമൂഹമാധ്യമങ്ങളിൽ വൈറലാണ്. ആയിരക്കണക്കിന് പേരാണ് വിഡിയോ പോസ്റ്റ് ചെയ്ത് മിനിട്ടുകൾക്കകം തന്നെ ലൈക്കുമായി രംഗത്ത് വന്നത്.

Content Highlights – Dulquer Salmaan, Special guest, Cyberabad Police