തിരുവനന്തപുരം, വിതുരയില്‍ പന്ത്രണ്ടുകാരിയെ പീഡിപ്പിച്ച പാസ്റ്റര്‍ അറസ്റ്റില്‍
News Desk
Posted On July 1, 2022
വിതുരയില്‍ പന്ത്രണ്ടുകാരിയെ പീഡനത്തിന് ഇരയാക്കിയ പാസ്റ്റര്‍ അറസ്റ്റില്‍. വിതുര സ്വദേശി ബെഞ്ചമിന്‍ (68) ആണ് പിടിയിലായത്. പെണ്‍കുട്ടിയുടെ മൊഴിയുടെ അടിസ്ഥാനത്തിലാണ് ഇയാള്‍ക്കെതിരെ കേസെടുത്തത്. പോക്‌സോ വകുപ്പുകള്‍ ചുമത്തി അറസ്റ്റ് ചെയ്ത ഇയാളെ നെടുമങ്ങാട് കോടതിയില്‍ ഹാജരാക്കും.
ആറു മാസം മുന്‍പാണ് കേസിന് ആസ്പദമായ സംഭവം നടന്നത്. ഇരയായ കുട്ടിയും കൂട്ടുകാരിയും കൂടി ബെഞ്ചമിന്റെ വീട്ടില്‍ പോയിരുന്നു. അന്ന് കുട്ടിയെ മുറിയിലേക്ക് കൂട്ടിക്കൊണ്ടുപോയി ഇയാള്‍ പീഡിപ്പിക്കാന്‍ ശ്രമിക്കുകയായിരുന്നു. സംഭവത്തെക്കുറിച്ച് പുറത്തു പറയരുതെന്ന് ഇയാള്‍ കുട്ടിയെ ഭീഷണിപ്പെടുത്തിയിരുന്നു. എന്നാല്‍ വീട്ടിലെത്തിയ കുട്ടി സഹോദരിയോട് വിവരങ്ങള്‍ പറഞ്ഞിരുന്നു.
കഴിഞ്ഞ ദിവസം സ്കൂളില് ചൈല്‍ഡ് ലൈന്‍ പ്രവര്‍ത്തകര്‍ നടത്തിയ കൗണ്‍സലിംഗില്‍ സഹോദരി ഈ വിവരം വെളിപ്പെടുത്തി. ഇതേത്തുടര്‍ന്ന് ജില്ലാ ശിശുക്ഷേമ സമിതി വിതുര പോലീസിന് പരാതി നല്‍കുകയായിരുന്നു.
Content Highlights: Pastor, POCSO, Rape, Sexual Assault
Trending Now
