തിക്കിലും തിരക്കിലുംപെട്ട് രാജസ്ഥാനിലെ ശിക്കാരിൽ 3 പേർ മരിച്ചു. തിങ്കളാഴ്ച പുലർച്ചെ അഞ്ചോടെ പ്രസിദ്ധമായ ഖാട്ടു ശ്യാം ജി ക്ഷേത്രത്തിൽ വെച്ചാണ് സംഭവം. ക്ഷേത്രത്തിൽ ദർശനം നടത്താനെത്തിയ സ്ത്രീകളാണ് മരിച്ചത്. ഏഴിൽ കൂടുതൽ പേർക്ക് പരിക്കേറ്റിട്ടുണ്ട്. തുടർന്ന് പ്രധാനമന്ത്രി അനുശോചനം രേഖപ്പെടുത്തി.
ക്ഷേത്രത്തിൽ വൻ ഭക്തജന തിരക്കാണ് അനുഭവപ്പെട്ടത്. ജനക്കൂട്ടം ക്ഷേത്ര വാതിൽ തുറക്കുന്നതും കാത്ത് തടിച്ചുകൂടിയിരുന്നു. ആളുകൾ ഗേറ്റുകൾ തുറന്ന് തള്ളിക്കയറാൻ ശ്രമിച്ചു അതിനിടയിൽ ഒരു സ്ത്രീ ഉടൻ തന്നെ ബോധരഹിതയായി വീണു. ഇത് കാരണം പിന്നിൽ ഉണ്ടായ മറ്റുള്ളവരും വീണു. ഇതിനെ തുടർന്ന് തിക്കിലും തിരക്കിലും പെട്ട് മൂന്ന് സ്ത്രീകളുടെ ജീവൻ നഷ്ടമായി.
മൂന്ന് കുട്ടികളും പരിക്കേറ്റവരിൽ ഉൾപ്പെട്ടിട്ടുണ്ട്. ജയ്‌പൂരിലെ ആശുപത്രിയിൽ ഇവരെ ചികിത്സയ്ക്കായി മാറ്റി. ഒരു സംഘം പൊലീസ് ജനക്കൂട്ടത്തെയും അവിടത്തെ സ്ഥിതി നിയന്ത്രണവിധേയമാക്കാനും സ്ഥലത്തെത്തിയിട്ടുണ്ട്. രാജസ്ഥാനിലെ ഏറ്റവും പ്രധാനപ്പെട്ട തീർത്ഥാടന കേന്ദ്രങ്ങളിൽ ഒന്നാണ് ഖാട്ടു ശ്യാം ജി ക്ഷേത്രം.
Content Highlights – Three killed in stampede at temple
Trending Now
