കാട്ടില്‍ നിന്നും വഴിതെറ്റിയ ആനക്കുട്ടി ജനവാസ മേഖലയില്‍; നട്ടം തിരിഞ്ഞ് നാട്ടുകാര്‍

മലപ്പുറം ജില്ലയിലെ കരുളായി വനത്തില്‍ നിന്നും കുട്ടിയാന വഴിതെറ്റി ജനവാസ മേഖലയിലെത്തി. കരുളായി വളയംക്കുണ്ടിലെ ജനവാസ കേന്ദ്രത്തിലാണ് ആണ്‍ കുട്ടിയാനയെ കണ്ടെത്തിയത്. ജനവാസ മേഖലയിലൂടെ ഓടി നടന്ന് ആളുകളെ മണിക്കൂറുകളോളം പരിഭ്രാന്തിയിലാക്കിയിരുന്നു. തുടര്‍ന്ന് ഓടിനടന്ന ആനക്കുട്ടിയെ കയറുകെട്ടി തടഞ്ഞുവെയ്ക്കുകയായിരുന്നു.

നാട്ടുകാര്‍ വിവരമറിയിച്ചതിനെ തുടര്‍ന്ന് കരുളായി വനം റെയ്ഞ്ചോഫീസര്‍ എം.എന്‍ നജ്മല്‍ അമീനിന്റെ നിര്‍ദ്ദേശ പ്രകാരം നെടുങ്കയം ഫോസ്റ്റ് സ്റ്റേഷനിലെ വനപാലകര്‍ സ്ഥലത്തെത്തി ആനക്കുട്ടിയെ കൂട്ടി കൊണ്ടു പോവുകയായിരുന്നു.

Content Highlights – Baby elephant strayed from the forest and reached the inhabited area