കോഴിക്കോട് ടിപ്പര്‍ ലോറി ഇടിച്ച് യുവതി മരിച്ചു

കോഴിക്കോട് താമരശേരി ചുങ്കത്ത് ടിപ്പര്‍ ലോറി ഇടിച്ച് യുവതി മരിച്ചു. പനംതോട്ടം ഓര്‍ക്കിഡ് ഹൗസിങ് കോളനിയില്‍ താമസിക്കുന്ന ഫാത്തിമ സാജിത(30) ആണ് മരിച്ചത്. എഴുത്തുകാരന്‍ ആബിദ് അടിവാരത്തിന്റെ ഭാര്യയാണ്.

ഇന്ന് രാവിലെ 7 മണിയോടെ സാജിത കുട്ടിയെ സ്‌കൂള്‍ ബസില്‍ കയറ്റിവിടാൻ റോഡരികില്‍ നില്‍ക്കവെയായിരുന്നു അപകടം. അമിത വേഗതയിലെത്തിയ ടിപ്പര്‍ ഇവരെ ഇടിക്കുകയായിരുന്നു. വാഹനം ശരീരത്തിലൂടെ കയറിയിറങ്ങിയ ഇവർ സംഭവസ്ഥലത്ത് വെച്ച് തന്നെ മരിക്കുകയായിരുന്നു.

കോഴിക്കോട് ബാലുശേരി ഭാഗത്തുനിന്നും ചുങ്കത്തേക്ക് പോയ ടിപ്പര്‍ ലോറിയാണ് അപകടമുണ്ടാക്കിയത്. ടിപ്പർ ഓടിച്ചിരുന്ന ആളുടെ അമിത വേഗവും, അശ്രദ്ധയുമാണ് അപകട കാരണമെന്ന് ദൃക്‌സാക്ഷികള്‍ പറഞ്ഞു.

Content Highlights – Tipper accident, kozhikode, woman died