പൂജാ ബമ്പര്‍ ലോട്ടറി പുറത്തിറക്കി; തിങ്കളാഴ്ച മുതല്‍ വിപണിയില്‍

പൂജാ ബമ്പര്‍ ലോട്ടറി പ്രകാശനം ചെയ്തു. ഓണം ബമ്പര്‍ നറുക്കെടുപ്പ് ചടങ്ങിലായിരുന്നു പ്രകാശനം. തിങ്കളാഴ്ച മുതല്‍ ടിക്കറ്റുകള്‍ വിപണിയിലെത്തും. ഒന്നാം സമ്മാനം ഇത്തവണ 5 കോടിയില്‍ നിന്ന് 10 കോടിയായി ഉയര്‍ത്തിയിട്ടുണ്ട്. ഓണം ബമ്പര്‍ സമ്മാനം ഇത്തവണ 12 കോടിയില്‍ നിന്ന് 25 കോടിയായി ഉയര്‍ത്തിയിരുന്നു.

67 ലക്ഷത്തോളം ഓണം ബമ്പര്‍ ടിക്കറ്റുകളാണ് ഇത്തവണ അച്ചടിച്ചിറക്കിയത്. ഇത് ഏകദേശം പൂര്‍ണ്ണമായി വിറ്റു പോയിരുന്നു. TJ 750605 എന്ന നമ്പറിനാണ് സമ്മാനം. തിരുവനന്തപുരം ശ്രീവരാഹം സ്വദേശി അനൂപിനാണ് സമ്മാനം ലഭിച്ചത്. ഓട്ടോ ഡ്രൈവറാണ് അനൂപ്.

TG 270912 എന്ന നമ്പറിനാണ് രണ്ടാം സമ്മാനം. പാലായിലെ മീനാക്ഷി ലക്കി സെന്റര്‍ ആണ് ഈ ടിക്കറ്റ് വിറ്റിരിക്കുന്നത്. ഇവിടെ നിന്നും പാപ്പച്ചന്‍ എന്ന കച്ചവടക്കാരന്‍ പത്ത് ടിക്കറ്റുകള്‍ എടുത്തിരുന്നു. ഇദ്ദേഹത്തിന്റെ കയ്യില്‍ നിന്നുമാണ് ടിക്കറ്റ് വിറ്റ് പോയിരിക്കുന്നത്.