ക്രിസ്മസ് ദിനത്തില്‍ യുവാക്കളെ വധിക്കാന്‍ ശ്രമിച്ച സംഭവം; രണ്ടു പേര്‍ പിടിയില്‍
News Desk
Posted On December 27, 2022
കൊച്ചി, ഞാറയ്ക്കലില്‍ യുവാക്കളെ വധിക്കാന്‍ ശ്രമിച്ച രണ്ടു പേര്‍ പിടിയില്‍. ക്രിസ്മസ് ദിനത്തില്‍ ബൈക്കില്‍ സഞ്ചരിക്കുകയായിരുന്ന നിഖില്‍ദാസ്, ഗോകുല്‍ എന്നിവരെ തടഞ്ഞ് നിര്‍ത്തി വടി കൊണ്ടും, ബിയര്‍ കുപ്പി കൊണ്ടും അടിച്ച് മാരകമായി പരിക്കേല്‍പ്പിച്ച സംഭവത്തിലാണ് അറസ്റ്റ്. പുതുവൈപ്പ് സ്വദേശികളായ കാട്ടാശ്ശേരി വീട്ടില്‍ ശരത് (26), തൈപ്പറമ്പില്‍ വീട്ടില്‍ ജസ്റ്റിന്‍ (24) എന്നിവരെയാണ് ഞാറയ്ക്കല്‍ പോലീസ് അറസ്റ്റ് ചെയ്തത്.
വൈകിട്ട് പുതുവൈപ്പ് അമ്പലക്കടവ് ലൈറ്റ് ഹൗസിന് സമീപമുള്ള പഴയ സീവാളിനടുത്ത് വച്ചായിരുന്നു സംഭവം. പ്രതികളുടെ സുഹൃത്തായ സണ്ണി സോണി എന്നയാളെ മുന്‍പ് ദേഹോപദ്രവം ഏല്‍പ്പിച്ചതിന്റെ വൈരാഗ്യമാണ് സംഭവത്തിന് കാരണമെന്ന് കരുതുന്നു.
അമ്പേഷണ സംഘത്തില്‍ ഇന്‍സ്‌പെക്ടര്‍ രാജന്‍ കെ. അരമന, സബ്ബ് ഇന്‍സ്‌പെക്ടര്‍ മാരായ മാഹിന്‍ സലിം. ഡിപിന്‍, ഡോളി ധര്‍മ്മരത്‌നം, എ.എസ്.ഐ. ദേവരാജ്, സിവില്‍ പോലീസ് ഓഫീസര്‍മാരായ ഗിരിജാവല്ലഭന്‍ , ഉമേഷ്, സ്വരാഭ്, പ്രജിത്ത്, പ്രീജന്‍ സുധീശന്‍ എന്നിവരാണ് ഉണ്ടായിരുന്നത്.
Trending Now
