സ്ത്രീത്വത്തെ അപമാനിച്ചെന്ന കേസില്‍ ആകാശ് തില്ലങ്കേരിയുടെ സുഹൃത്തുക്കള്‍ പിടിയില്‍; ആകാശ് ഒൡവിലെന്ന് പോലീസ്

സ്ത്രീത്വത്തെ അപമാനിച്ചെന്ന കേസില്‍ ആകാശ് തില്ലങ്കേരിയുടെ സുഹൃത്തുക്കളെ പോലീസ് കസ്റ്റഡിയിലെടുത്തു. ജിജോ തില്ലങ്കേരി, ജയപ്രകാശ് തില്ലങ്കേരി എന്നിവരാണ് പിടിയിലായത്. ആകാശ് ഒളിവിലാണെന്ന് പോലീസ് അറിയിച്ചു. ഡിവൈഎഫ്‌ഐ നേതാവിനെ അധിക്ഷേപിച്ചെന്ന പരാതിയിലാണ് അറസ്റ്റ്.

വനിതാ നേതാവ് മുഴക്കുന്ന് പോലീസില്‍ പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ മൂന്നു പേര്‍ക്കുമെതിരെ ജാമ്യമില്ലാ വകുപ്പ് ചുമത്തിയാണ് കേസെടുത്തത്. പ്രതികള്‍ മൂന്നു പേരും ഒളിവിലാണെന്ന് പോലീസ് അറിയിച്ചിരുന്നു. വെള്ളിയാഴ്ച ഉച്ചയോടെ ജയപ്രകാശിനെ തില്ലങ്കേരിയില്‍ നിന്ന് പിടികൂടി. പിന്നാലെ ജിജോ പോലീസില്‍ കീഴടങ്ങുകയായിരുന്നു.

ഡിവൈഎഫ്‌ഐ മട്ടന്നൂര്‍ ബ്ലോക്ക് കമ്മിറ്റി എക്‌സിക്യൂട്ടീവ് അംഗം സി.വിനീഷിനെ സമൂഹ മാധ്യമം വഴി ഭീഷണിപ്പെടുത്തിയതിന് മറ്റൊരു കേസ് മട്ടന്നൂര്‍ പൊലീസും റജിസ്റ്റര്‍ ചെയ്തിട്ടുണ്ട്.