ജാതി സെന്‍സസ് നടത്താന്‍ ഉത്തരവിട്ട് അശോക് ഗെഹ്ലോട്ട് സര്‍ക്കാര്‍

ബിഹാറിന് പിന്നാലെ കോണ്‍ഗ്രസ് ഭരണത്തിലുള്ള രാജസ്ഥാനിലും ജാതി സെന്‍സസ് നടത്താന്‍ തീരുമാനം. ഇതോടെ ഇന്ത്യയില്‍ ജാതി സെന്‍സസ് നടത്തുന്ന രണ്ടാമത്തെ സംസ്ഥാനമായി രാജസ്ഥാന്‍ മാറും.

ജാതി സെന്‍സസ് നടത്താന്‍ അശോക് ഗെഹ്ലോട്ട് സര്‍ക്കാര്‍ ശനിയാഴ്ചയാണ് ഉത്തരവിട്ടത്. സംസ്ഥാനത്ത് പിന്നാക്കം നില്‍ക്കുന്ന എല്ലാ വിഭാഗങ്ങളെയും കണ്ടെത്തുകയും ആവശ്യമായ ക്ഷേമപദ്ധതികള്‍ നടത്തുകയും ചെയ്യുന്നതിനാണ് ജാതി സെന്‍സസ് ലക്ഷ്യമിടുന്നതെന്ന് സാമൂഹ്യനീതി വകുപ്പ് പുറത്തിറക്കിയ ഉത്തരവില്‍ ചൂണ്ടിക്കാട്ടുന്നു. ജനങ്ങളുടെ ജീവിത നിലവാരവും സാമൂഹ്യ, സാമ്പത്തിക ഉയര്‍ച്ചയും മെച്ചപ്പെടുത്തുന്നതിനാണിതെന്നും ഉത്തരവില്‍ പറയുന്നു