ആസിഡ് സംഭരണശാലയില്‍ വൻ തീപിടിത്തം; ആളപായമില്ല

വാണിയക്കാട് മാവേലിപ്പാടത്തെ സോപ്പ് നിർമാണ ഫാക്ടറിയുടെ ആസിഡ് സംഭരണശാലക്ക് ചൊവ്വാഴ്ച അർധരാത്രി തീപിടിച്ചു.

ആസിഡ് ഒഴുകി സമീപത്തെ പുരയിടത്തില്‍ എത്തിയെങ്കിലും ജീവനക്കാർ ആരും സ്ഥലത്തില്ലാഞ്ഞതിനാല്‍ ആളപായമില്ല. രാത്രി 12.20 കാണപ്പെട്ട തീപുലർച്ച മൂന്നോടെയാണ് അഗ്നിരക്ഷാ സേനക്ക് ഭാഗികമായി അണക്കാൻ കഴിഞ്ഞതെന്ന് സമീപവാസികള്‍ പറഞ്ഞു.

ആസിഡിന്‍റെ ചെറിയൊരു ഭാഗത്തിന് മാത്രമാണ് തീപിടിച്ചത്. കൃത്യസമയത്ത് സമീപവാസി തീപിടിത്തം കണ്ടതുമൂലം വലിയ ദുരന്തം ഒഴിവായി. ആസിഡില്‍ ചവിട്ടി ചിലർക്ക് പൊള്ളലേല്‍ക്കുകയും ശ്വാസതടസ്സവും നേരിട്ടു. അഗ്നിരക്ഷാ സേന ഓഫിസർ വി.ജി. റോയിയുടെ നേതൃത്വത്തിലായിരുന്നു രക്ഷാപ്രവർത്തനം.