ഗോട്ടിന്റെ റിലീസ് പ്രമാണിച്ച്‌ അവധി പ്രഖ്യാപിച്ച്‌ സ്വകാര്യ സ്ഥാപനം

വിജയ് ചിത്രം ഗോട്ടിന്റെ റിലീസ് പ്രമാണിച്ച്‌ സെപ്റ്റംബര്‍ അഞ്ചിന് അവധി പ്രഖ്യാപിച്ച്‌ സ്വകാര്യ സ്ഥാപനം. ചെന്നൈയിലെ പാര്‍ക്ക് ക്വിക്ക് എന്ന സ്ഥാപനമാണ് താരത്തിനുള്ള ആദരസൂചകമായി ഗോട്ട് റിലീസ് ദിനത്തില്‍ അവധി പ്രഖ്യാപിച്ചത്.

അവധി പ്രഖ്യാപിച്ചുകൊണ്ടുള്ള കുറിപ്പ് സമൂഹ മാധ്യമങ്ങളില്‍ വൈറലായിട്ടുമുണ്ട്. വിജയ്‌യുടെ പുതിയ ചിത്രം ദി ഗ്രേറ്റസ്റ്റ് ഓഫ് ഓൾ ടൈം (ഗോട്ട്) ആദ്യഷോ പൂർത്തിയാകുമ്പോൾ സമിശ്ര പ്രതികരണങ്ങളാണ് ആരാധകരുടെ ഭാഗത്ത് നിന്ന് ഉണ്ടാകുന്നത്. കേരളത്തിലെ തീയറ്ററുകളില്‍ പുലര്‍ച്ചെ നാലുമണിക്കായിരുന്നു ആദ്യഷോ .അതും ഹൗസ് ഫുള്ളായിരുന്നു. തമിഴിലെ എന്നും വ്യത്യസ്തതകള്‍ പരീക്ഷിക്കുന്ന സംവിധായകന്‍ വെങ്കിട്ട് പ്രഭുവിന്‍റെ വിജയിയെ വച്ചുള്ള ഹീറോയിക്ക് അപ്രോച്ചാണ് ഗോട്ട് എന്ന് ഒരു വാക്കില്‍ പറയാൻ സാധിക്കുമെന്ന് പ്രേക്ഷകർ പറയുന്നു