ദീപ്തി മേരി വർഗീസ് സത്യപ്രതിജ്ഞ ചെയ്തു

കൊച്ചിയിൽ പുതിയ ജനപ്രതിനിധികളുടെ സത്യപ്രതിജ്ഞ നടക്കുകയാണ്. ദീപ്തി മേരി വർഗീസ് സത്യപ്രതിജ്ഞ ചെയ്തു. അതേസമയം മേയർ, ചെയർപേഴ്സൺ തിര‍‍ഞ്ഞെടുപ്പ് ഈ മാസം 26 ന് ആണ് നടക്കുന്നത്.

സംസ്ഥാനത്തെ 1,191 തദ്ദേശ സ്ഥാപനങ്ങളിലെ ഭരണസമിതികളുടെ കാലാവധി ഇന്നലെ അവസാനിച്ചിരുന്നു. മലപ്പുറം ജില്ലയിലെ വണ്ടൂർ, തിരൂർ ബ്ലോക്ക് പഞ്ചായത്തുകൾ, ചെക്കോട്, തൃക്കലങ്ങോട്, മം​ഗലം, വെട്ടം, തിരുവനങ്ങാട്, മക്കരപ്പറമ്പ് ​ഗ്രാമപഞ്ചായത്തുകൾ കണ്ണൂർ ജില്ലയിലെ മട്ടന്നൂർ നഗരസഭ എന്നിവയുടെ കാലാവധി പിന്നീടാണ് അവസാനിക്കുക.

ഗ്രാമ, ബ്ലോക്ക്, ജില്ലാ പഞ്ചായത്തുകളിലും ​ന​ഗരസഭകളിലും രാവിലെ 10നും കോർപ്പറേഷനുകളിൽ 11.30 നുമാണ് ഇന്ന് സത്യപ്രതിജ്ഞ നടപടികൾ ആരംഭിച്ചത്. തെരഞ്ഞെടുക്കപ്പെട്ടവരിലെ മുതിർന്ന അംഗം ആദ്യം സത്യപ്രതിജ്ഞ ചെയ്യും. ആദ്യം സത്യപ്രതിജ്ഞ ചെയ്ത മുതിർന്ന അംഗമായിരിക്കും മറ്റ് അംഗങ്ങളെ സത്യപ്രതിജ്ഞ ചെയ്യിക്കുക.