പെരുമ്പാവൂരില്‍ ഹെറോയിനുമായി അതിഥി തൊഴിലാളി പിടിയില്‍. ആസ്സാം നൗഗോണ്‍ നിജൂരിയ സ്വദേശി ഖെയ്‌റൂള്‍ ഇസ്ലാം (26) ആണ് പിടിയിലായത്. ഇയാളില്‍ നിന്ന് തൊണ്ണൂറ് ഗ്രാം ഹെറോയിന്‍ കണ്ടെടുത്തു. റൂറല്‍ ജില്ലാ പോലീസ് മേധാവി കെ.കാര്‍ത്തിക്കിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ഖെയ്‌റൂള്‍ ഇസ്ലാം താമസിക്കുന്ന അല്ലപ്രയിലെ വാടക വീട്ടില്‍ നടത്തിയ പരിശോധനയിലാണ് ഹെറോയിന്‍ കണ്ടെത്തിയത്.
എഴു പായ്ക്കറ്റുകളിലായാണ് മയക്കുമരുന്ന് സൂക്ഷിച്ചിരുന്നത്. ഇവ വില്‍പ്പനയ്ക്കായ് നിറയ്ക്കാന്‍ ഉപയോഗിക്കുന്ന 20 പായ്ക്കറ്റ് ചെറിയ ഡപ്പികളും പിടികൂടി. അതിഥി തൊഴിലാളികളുടെ ഇടയില്‍ വില്‍പ്പനയായിരുന്നു ലക്ഷ്യം. രണ്ട് ദിവസം മുമ്പാണ് ഇയാള്‍ ആസാമില്‍ നിന്ന് പെരുമ്പാവൂരില്‍ എത്തിയത്.
ഇന്‍സ്‌പെക്ടര്‍ ആര്‍.രഞ്ജിത്ത്, എസ്.ഐ മാരായ റിന്‍സ്.എം.തോമസ്, ജോസി.എം.ജോണ്‍സണ്‍, എ.എസ്.ഐ ദിലീപ്, എസ്.സി.പി.ഒ അഷ്‌റഫ് എന്നിവരടങ്ങിയ സംഘമാണ് പരിശോധന നടത്തിയത്.
Content Highlight: Heroine, Drugs, Migrant laborer, Arrest
Trending Now
കേരളത്തിന് സമീപം ചക്രവാത ചുഴി; മഴ ശക്തമാകും
You may also like
