ക്രെയിൻ ലോറിയുടെ കയറില്‍ തട്ടിയതായി സൂചന; അര്‍ജുനെ തേടിയുള്ള പരിശോധന നിര്‍ണായക ഘട്ടത്തില്‍

കർണാടക ഷിരൂരിലെ മണ്ണിടിച്ചിലില്‍ കാണാതായ അർജുന് വേണ്ടിയുള്ള തെരച്ചില്‍ പുരോഗമിക്കവെ നിർണായക വിവരങ്ങള്‍ പുറത്ത്.

തട്ടുകടയുടെ താഴ്ഭാഗം കേന്ദ്രീകരിച്ച്‌ നടത്തിയ പരിശോധനയില്‍ ലോറിയില്‍ കെട്ടിയിരുന്ന കയർ കണ്ടെത്തിയെന്നാണ് പുറത്തുവരുന്ന വിവരം.

അർജുന്റെ ലോറിയില്‍ തടികള്‍ കയർ കൊണ്ടാണ് കെട്ടിവച്ചിരുന്നത്. ഈ കയറുകളാണ് കണ്ടെത്തിയതെന്നാണ് സൂചന. അടുത്തായി ലോഹ സാന്നിദ്ധ്യവും കണ്ടെത്തിയിട്ടുണ്ട്. എന്നാല്‍ ഇത് കാണാതായ ലോറിയാണോയെന്ന വിവരം ഉറപ്പായിട്ടില്ല. തെരച്ചിലിന് വെല്ലുവിളി ഉയർത്തി പ്രദേശത്ത് ശക്തമായ മഴ പെയ്യുന്നുണ്ട്.